c) Lege provinziala di 27 d’aurì 1995, n. 91)2) —
Istituziun dl register anagrafich provinzial dl bestiam y dles aziëndes de zidlamënt y desposiziuns de prescia tl setur dl’agricoltöra

(1) Les assoziaziuns che pó dé jö domandes d’aiüt aladô dl articul 4, coma 1, lëtra k) dla lege provinziala di 14 de dezëmber dl 1998, n. 11, y mudaziuns suandëntes, mëss ester scrites ite te na lista aposta tignida dala Repartiziun provinziala Agricoltöra.

(2) Por podëi se scrí ite tla lista nominda dessura preodüda dal coma 1 mëss les assoziaziuns avëi chisc recuisic:

1. ares mëss avëi n statut che contëgn altamo les indicaziuns preodüdes dal coma 3 y che ti corespogn ala sort de statut delibré dala Junta provinziala;
   
2. ares mëss avëi altamo nü sozi;
   
3. le fin dl’assoziaziun mëss ester le rembursamënt de dagns che vëgn dala pordüda de bestiam;
   
4. ares mëss lauré te na zircoscriziun ciafada sö cun deliberaziun dla indunada generala di sozi;
   
5. les inciaries curides ne vëgn nia paiades, ater co les spëises, ince te na forma forfetara.
   

(3) Le statut dl’assoziaziun mëss contigní altamo:

1. la denominaziun y la sënta dl’assoziaziun;
   
2. les condiziuns d’amisciun y de retrata por i sozi;
   
3. l’indicaziun di organs y de sües funziuns, le numer de sü mëmbri y les modalités de süa nominaziun;
   
4. i dërc y i dovëis di sozi, i criters por la determinaziun di rembursamënc y les modalités de compilaziun dl bilanz consuntif;
   
5. les formes y les condiziuns dl scioglimento y dla licuidaziun dl’assoziaziun;
   
6. les modalités de convocaziun dla indunada generala y les maioranzes damanades por la validité dles deliberaziuns;
   
7. les modalités por fá fora les premies da paié a vigni soze.  11)