In vigore al

RICERCA:

Ultima edizione

a) Lege Provinziala di 1 de messè dl 1993, n. 111)
Regolamënt dl volontariat y dl sostëgn sozial 2)

1)
Publicada tl B.O. di 13 de messè dl 1993, n. 32.
2)
Le titul é gnü mudé dal art. 28 dla l.p. di 28 de messè dl 2003, n. 12.

Art. 1 ((Fins)   

(1) La Provinzia autonoma de Balsan aprijëia, sostëgn y valorisëia la funziun soziala dles organisaziuns de volontariat metüdes sö lediamënter, sciöche espresciun de partezipaziun, solidarieté y pluralism; ara sostëgn so svilup sconan süa autonomia y promöi le contribut original por arjunje i fins de carater sozial, zivil y cultural te chësta lege. 

(2) Les organisaziuns de volontariat colaborëia independentemënter dales motivaziuns etiches y morales che les ispirëia, cun l'ënt publich, portan pro al'umanisaziun di sorvisc pità dantadöt tl setur sozio-sanitar, assistenzial, educatif y cultural, sciöche inće ala prevenziun y ala remoziun dles emarginaziuns soziales, ala promoziun y al svilup dles ativitês sportives, de aorela cörta y dl tëmp lëde, ala conservaziun y valorisaziun dles tradiziuns. Chësta ativité é l'espresciun de na solidarieté umana sinziera, de altruism, de desponibilité dejinteressada a bëgn dla singola porsona o de düć, inće conform ala cooperaziun al svilup aladô dla lege provinziala di 19 de merz dl 1991, n. 5, o sciöche momënt d'agregaziun tla sozialisaziun dantadöt de grups emarginà.

Art. 2 (Ativité de volontariat y sostëgn sozial)

(1) Te chësta lege mìnon cun ativité de volontariat chëra fata personalmënter, de süa bona a na moda spontana y debann tres l'organisaziun de chëra che la porsona che fej volontariat fej pert, zënza intenziun de davagn, inće indiret, y ma por fins de solidarieté y de impëgn sozial.

(2) L'ativité de volontariat ne po nia gnì paiada, gnanca dal benefiziar/dala benefiziara. Ala porsona che fej volontariat ti pol ma gnì retü dal'organisaziun de portignënza les spëises sostignides veramënter por l'ativité fata, ti limić fać fora damperfora dal'organisaziun.

(3) L'ativité de volontariat ne va nia a öna cun n raport de laûr subordiné o autonom y cun degun ater raport de contignü patrimonial cun l'organisaziun de chëra che al/ara fej pert.

(4) A porsones che à arjunt de gragn mirić tl setur dl volontariat, sciöche preodü tl articul 1, ti pol gnì conzedü onoranzes dala junta provinziala, aladô dles formes y modalitês fates fora cun regolamënt d'esecuziun de chësta lege.

(5) Cun ativité de sostëgn sozial mìnon chëra fata zënza intenziun de davagn, dantadöt a bëgn de mëmbri, te chisc seturs:

  1. assistënza soziala y sanitara;
  2. cultura, educaziun y formaziun;
  3. sport, recreaziun y tëmp lëde;
  4. proteziun zivila, sconanza dl ambiënt y dla contrada;
  5. promoziun dl turism sozial, sconanza di dërć di consumadus, dërć dles porsones, avalianza dles chances y cooperaziun al svilup.

(6) Les organisaziuns de sostëgn sozial s'anüza a na moda significativa dles ativitês de volontariat y debann de sü mëmbri por arjunje sü fins; ares po inće, sce al va debojëgn, tó sö personal dependënt o s'anuzé de prestaziuns de laûr autonom, inće s'anuzan de sü mëmbri. 3)

3)
L'art. 2 é gnü mudé dal art. 28 dla l.p. di 28 de messè dl 2003, n. 12.

Art. 3 (Organisaziuns de volontariat y organisaziuns de sostëgn sozial)  4)  

(1) Cun organisaziun de volontariat mìnon vigni organism metü adöm lediamënter por fà le laûr preodü dal articul 2, che s'anüza a na moda determinanta dantadöt dles prestaziuns personales, volontares y debann de sü mëmbri.

(2) Les organisaziuns de volontariat po surantó la forma iuridica che ares arata plü adatada por arjunje sü fins, tl respet dl limit de compatibilité cun le fin de solidarieté.

(3) Pro les acordanzes di mëmbri mëssel gnì preodü espressamënter, tl at costitutif o tl statut, dlungia ći che vëgn desponü dal Codesc zivil por les formes iuridiches desvalies, che l'organisaziun n'à nia n'intenziun de davagn y é strotorada a na moda democratica, che les inćiaries vëgn surantutes tres lita y zënza compëns, che les prestaziuns di mëmbri é debann, i criters d'amisciun y de estlujiun de chisc, sü dërć y sü dovëis. Al mëss inće gnì fat fora le dovëi da realisé le decunt economich y patrimonial, olache an vëiga i bëgns, i contribuć o les arpejuns, sciöche inće sües modalitês d'aprovaziun da pert dl'assemblea di mëmbri. 5)

(4) Les organisaziuns de volontariat po tó sö personal dependënt o s'anuzé de prestaziuns de laûr autonom, tan inant che al va debojëgn por so funzionamënt regolar o por cualifiché o spezialisé süa ativité.

(5) Sce l'organisaziun de volontariat vëgn lasciada tomè o sce süa ativité se röia o va fora, vëgn i bëgns che romagn do la fin dla prozedöra de licuidaziun dà, indipendentemënter da süa forma iuridica, a d'atres organisaziuns che laôra tl medemo setur o te un che ti somëia, aladô dles indicaziuns contignides tl statut o tles acordanzes di mëmbri o, sce chisc n'é nia, aladô dles desposiziuns dl Codesc zivil.

(6) Al vëgn aratè sciöche organisaziun de sostëgn sozial le ragrupamënt de dërt privat danter sogeć, metü sö sciöche assoziaziun reconesciüda o nia reconesciüda, o n'atra formaziun che à i recuisić determinà da n regolamënt d'esecuziun aposta. L'organisaziun à sciöche fin i interesc de düć zënza intenziun de davagn fajon tresfora ativitês de sostëgn sozial por i mëmbri o de terzi ti seturs preodüs dal articul 2, coma 5. 6)

4)
Le titul é gnü mudé dal art. 28 dla l.p. di 28 de messè dl 2003, n. 12.
5)
Le coma 3 é gnü mudé dal art. 13 dla l.p. di 13 de merz dl 1995, n. 5.
6)
Le coma 6 é gnü ajuntè dal art. 28 dla l.p. di 28 de messè dl 2003, n. 12.

Art. 4 (Ressurses economiches y alisiraziuns fiscales)  

(1) Les organisaziuns de volontariat tol les ressurses economiches por so funzionamënt y süa ativité da:

  1. contribuć di mëmbri;
  2. contribuć da porsones privates;
  3. contribuć o sovenziuns de ënć o istituziuns publics, tan inant che ai vëgn ma paià por ativitês y proieć spezifics documentà;
  4. contribuć o sovenziuns de organisaziuns internazionales;
  5. donaziuns y arpejuns;
  6. retüdes sön la basa de convenziuns;
  7. entrades che vëgn da ativitês comerziales y produtives secundares che po portè pro a arjunje i mësi che va debojëgn por assiguré le funzionamënt dles ativitês de volontariat organisades.

(2) Ales organisaziuns de volontariat zënza personalité iuridica che é scrites ite tl register provinzial ti vëgnel apliché les desposiziuns preodüdes dal articul 5, comesc 2 y 3 dla lege di 11 d'agost dl 1991, n. 266, por ći che reverda la cumpra de bëgns imobii y de bëgns mobii registrà, sciöche inće por azetè donaziuns y arpejuns cun dërt d'inventar.

(3) Ales organisaziuns de volontariat ti vëgnel apliché, tan inant che ares é compatibles cun sü fins, les desposiziuns di articui 8 y 9 dla lege di 11 d'agost dl 1991, n. 266.

Art. 5 (Register provinzial dles organisaziuns de volontariat y dles organisaziuns de sostëgn sozial) 7) 

(1) Al vëgn metü sö le register provinzial dles organisaziuns de volontariat, che é partì sö insciö:

  1. assistënza soziala y sanitara;
  2. cultura, educaziun y formaziun;
  3. sport, recreaziun y tëmp lëde;
  4. proteziun zivila, sconanza dl'ambiënt y dla contrada;

(2) Le register provinzial vëgn tignì dala Repartiziun provinziala Presidënza y l'iscriziun vëgn desponüda dal Presidënt dla junta provinziala.

(3) L'iscriziun te öna o de plü seziuns dl register provinzial é la condiziun che va debojëgn por benefizié dles alisiraziuns fiscales, sciöche inće le titul preferenzial por stlü jö convenziuns preodüdes dal articul 6 de chësta lege. 8)

(4) An pó scrí ite tl register provinzial les organisaziuns de volontariat che á i fins preodüs dal articul 1 sön le teritore provinzial, che á les condiziuns preodüdes dal articul 3 y che ajunta ala domanda na copia dl at de costituziun y dl statut o dles acordanzes di mëmbri.  9)

(5) Les organisaziuns scrites ite tl register provinzial mëss dè jö na relaziun anuala sön le laûr fat y tignì sö la documentaziun de dötes les ofertes privates preodüdes dal articul 4, coma 1, cun l'inom de che fej l'oferta, tan inant che la porsona che fej l'oferta ne damana nia da romagne anonima.

(6) Le Presidënt dla junta provinziala desponn d'ofize, s'anuzan di ofizi provinziai y dles strotöres de d'atres istituziuns publiches periferiches competëntes en materia, la revijiun periodica dles seziuns dl register provinzial por controlè sce les organisaziuns scrites ite sön la basa di criters, che gnarà stlaris cun regolamënt d'esecuziun de chësta lege, à ćiamò les condiziuns y fej efetivamënter l'ativité de volontariat. 

(7) Le Presidënt dla junta provinziala desponn, sce al é de gran iregolaritês pro les ativitês de volontariat o sce al n'é nia plü les condiziuns scrites dant, do avëi aldì l'Osservatore provinzial preodü dal articul 8, cun provedimënt motivé, da straiché l'organisaziun de volontariat dala seziun dl register provinzial olache ara é scrita ite. 

(8) Cuntra le provedimënt de refodada d'iscriziun o de straicada dal register provinzial ti pol gnì fat recurs, te trënta dis da süa comunicaziun, ala junta provinziala, che se lascia adintëne te sessanta dis da süa presentaziun. L'organisaziun de volontariat po contestè la dezijiun dla junta provinziala pro l'autorité iudiziara competënta, te trenta dis da süa comunicaziun aladô dles modalitês preodüdes dal articul 6, coma 5 dla lege di 11 d'agost dl 1991, n. 266.

(9) 10)

(10) Al vëgn metü sö le register provinzial dles organisaziuns de sostëgn sozial, olache al vëgn scrit ite les organisaziuns che á les condiziuns damanades da chësta lege y da so regolamënt d'esecuziun, che á süa sënta y laora tla provinzia.  11) 12)

(11) L'iscriziun tl register dles organisaziuns de sostëgn sozial é la condiziun che va debojëgn por podëi s'anuzé dles alisiraziuns fiscales aposta preodüdes dala normativa statala che alda laprò. I sogeć scrić ite tl register provinzial dles organisaziuns de sostëgn sozial ne mëss nia paié l'IRAP, aladô dl articul 23 dla lege di 7 de dezëmber dl 2000, n. 383, tl respet dl dovëi da dè jö la detlaraziun dl davagn, inće por determiné l'imponibl IRAP. 11)

(12) Al vëgn ma conzedü l'iscriziun te un n register preodü dai comesc 1 y 10. 11)

(13) La junta provinziala mët sö n fonds de garanzia tres chël che an po paié fora fonds por curì en pert i dagns straordinars gaujà dal'ativité dles organisaziuns dades dant dessura. La condiziun por ti rové pormez a chësc fonds de garanzia é che na pert di dagns vëgnes curida dal’assiguraziun dl’organisaziun de volontariat o dal’assiguraziun dl’organisaziun de sostëgn sozial. Les atres condiziuns por apliché la mosöra nominada denant gnarà fates fora cun deliberaziun dla junta provinziala. I fonds che va debojëgn gnarà tuć ćina a n limit mascimal de 1.000.000 euro por vigni caje, dal fonds de resserva por spëises nia preodüdes dl bilanz provinzial, sön domanda dl'assoziaziun interessada y sön la basa de n arat dl Osservatore provinzial dl volontariat, preodü dal articul 8, sciöche inće de n decret dl Presidënt dla Provinzia, cun chël che al vëgn fat fora la soma. 13)

7)
Le titul é gnü sostituì dal art. 28 dla l.p. di 28 de messè dl 2003, n. 12.
8)
Le coma 3 é gnü sostituì dal art. 13 dla l.p. di 13 de merz dl 1995, n. 5.
9)
L'art. 5, coma 4 é impröma gnü sostituí dal art. 6, coma 1 dla l.p. di 22 de jená dl 2010, n. 1 y spo dedô él gnü mudé insciö dal art. 1, coma 1 dla l.p. di 7 d’agost dl 2018, n. 18.
10)
L'art. 5, coma 9 é gnü abroghé dal art. 4, coma 1 dla l.p. di 7 d’agost dl 2018, n. 18.
11)
I comesc 10, 11 y 12 é gnüs ajuntà dal art. 28 dla l.p. di 28 de messè dl 2003, n. 12.
12)
L'art. 5, coma 10 é gnü mudé insciö dal art. 1, coma 2 dla l.p. di 7 d’agost dl 2018, n. 18.
13)
L'art. 5, coma 13 é gnü ajuntè dal art. 6, coma 2 dla l.p. di 22 de jenà dl 2010, n. 1.

Art. 6  14) delibera sentenza

massimeDelibera N. 2510 del 19.10.2009 - Criteri generali per la stipulazione di convenzioni con le organizzazioni di volontariato per la protezione civile
massimeT.A.R. di Bolzano - Sentenza N. 416 del 20.11.2006 - Servizio trasporto infermi - convenzioni con organizzazioni di volontariato - compatibilità con normativa comunitaria - vale anche per il servizio di trasporto non urgente
14)
L'art. 6, é gnü abroghé dal art. 4, coma 1 dla l.p. di 7 d’agost dl 2018, n. 18.

Art. 7  15)

15)
L'art. 7 é gnü abroghé dal art. 4, coma 1 dla l.p. di 7 d’agost dl 2018, n. 18.

Art. 8  16)

16)
L'art. 8 é gnü abroghé dal art. 4, coma 1 dla l.p. di 7 d’agost dl 2018, n. 18.

Art. 9 (Flessibilité dl orar de laûr)

(1) Al personal dla Provinzia y di ënć publics che depënn da d'ëra, o olache l'ordinamënt é de süa competënza legislativa o delegada, y dles aziëndes inće cun ordinamënt autonom, che fej pert de organisaziuns de volontariat scrites ite tl register provinzial, ti pol gnì conzedü n orar de laûr flessibl y i turnus preodüs dal contrat coletif de setur, tan inant che ai va a öna cun i bojëgns de sorvisc y po ma se referì ai sorvisc de emergënza o de gran valur sozial.

Art. 10 ((Fonds spezial por le volontariat)  delibera sentenza

(1)Al vëgn metü sö le Fonds spezial por le volontariat aladô dla lege di 11 d'agost dl 1991, n. 266, olache al röia les somes che i ënc preodüs dal articul 3, coma 3 dl decret legislatif di 17 de ma dl 1999, n. 153, y mudaziuns suandëntes y les casses de sparagn che laora tl teritore provinzial, á da paié. 17)

(2) Le fonds mëss sostignì les organisaziuns de volontariat che é scrites ite tl register provinzial aladô dl articul 5; les diretives y i criters de sostëgn vëgn fissà dal comitê de gestiun dl Fonds spezial por le volontariat. 18)

(3) Le Presidënt dla junta provinziala, o n so deleghè, é a će dl comitê de gestiun dl Fonds spezial. La junta provinziala nominëia cater rapresentanć dles organisaziuns de volontariat, scrites ite tl register provinzial, plü rapresentades tl raiun provinzial, por le comitê.

(4) La composiziun dl comitê mëss s'adatè a ći che vëgn fat fora tl articul 2, coma 2 dl decret dl Minister dl Tesur di 21 de novëmber dl 1991 y ala consistënza di grups linguistics tla provinzia, aladô dl resultat dl'ultima cumpëda generala dla popolaziun.

massimeCorte costituzionale - Sentenza N. 355 del 23.07.1992 - Costituzione di fondi speciali per il volontariato presso le regioni
17)
L'art. 10, coma 1 é gnü mudé insciö dal art. 16, coma 1 dla l.p. di 25 de setëmber dl 2015, n. 11.
18)
Le coma 2 é gnü sostituì dal art. 21 dla l.p. di 30 de jenà dl 1997, n. 1.

Art. 10/bis (Scomenciadies por le sostëgn dl'ativité de volontariat)   delibera sentenza

(1) La Provinzia sostëgn, ince tres la conzesciun de contribuc, les scomenciadies dles federaziuns d'organisaziuns de volontariat che porta pro, aladô dl articul 1, al sostëgn y al svilup dl'ativité de volontariat. 19)

massimeBeschluss vom 6. Februar 2018, Nr. 93 - Genehmigung der Kriterien für die Gewährung von Förderungen von Initiativen der Dachverbände zur Förderung der ehrenamtlichen Tätigkeit
19)
L'art. 10/bis é gnü injunté dal art. 5, coma 1 dla l.p. di 22 de dezëmber dl 2016, n. 27. Ciara ince l'art. 5, coma 2 dla l.p. di 22 de dezëmber dl 2016, n. 27.

Art. 10/ter (Colaboraziun cun le Zënter de sorvisc por le volontariat)

(1) Tl respet dles desposiziuns generales sön la trasparënza pó la Provinzia autonoma de Balsan inciarié le Zënter de sorvisc por le volontariat da fá ativités y sorvisc por la promoziun dl Terzo setur y dantadöt cun la :

  1. programaziun y atuaziun de scomenciadies de formaziun y ajornamënt sciöche ince de ativités de sostëgn y consulënza por i ënc dl Terzo setur;
  2. difujiun de informaziuns sön l’ativité de volontariat, ince tres i media y tl cheder de manifestaziuns publiches;
  3. programaziun y atuaziun de mosöres por la promoziun dl volontariat y dl assoziazionism;
  4. programaziun y atuaziun de mosöres por promoziun di sorvisc volontars, danterater ince ativités de formaziun a bëgn dles volontares y di volontars dl sorvisc zivil y dl sorvisc sozial.

(2) Por la realisaziun dles ativités y di sorvisc preodüs dal coma 1 pó la Provinzia autonoma de Balsan mëte a desposiziun mesi finanziars implü sön le bilanz provinzial y pité prestaziuns materiales. 20)

20)
L'art. 10/ter é gnü injunté dal art. 2, coma 1 dla l.p. di 7 d’agost dl 2018, n. 18.

Art. 11

(1)(2)(3)(4)21)

(5) La conzesciun de contribuć, sovenziuns y d'atri aiüć de carater economich, cun laprò le mëte a desposiziun debann imobii por fà ativitês de volontariat, vëgn regolamentada dales leges provinziales d'intervënt te vigni setur, s'assiguran a vigni moda le finanziamënt dles ativitês y scomenciadies oget dles convenziuns cun les organisaziuns de volontariat, aladô dl Art. 7

21)
Omissis

Art. 11/bis (Sorvisc zivil)

(1) Por eserzité les funziuns odüdes danfora dal articul 3 dl decret dl Presidënt dla Republica di 28 de messè dl 1999, n. 352, coliades cun i raporć de cooperaziun preodüs dal articul 8 dl medemo decret, po la Provinzia stlü jö cun l'ofize nazional por le sorvisc zivil na convenziun y protocoi d'intenüda spezifics, che vëiga danfora inće desposiziuns sön la dotaziun dl personal y sön la gestiun dles spëises y la partezipaziun di sorvisc provinziai competënć, dantadöt la formaziun profescionala, la sanité y la proteziun zivila.

(2) Por arjunje n bun coordinamënt danter le sorvisc publich y les organisaziuns de volontariat, po la Provinzia mëte sö n'agenzia por le sorvisc zivil, gestida diretamënter dala Repartiziun Presidënza pro l'aministraziun provinziala, a öna cun l'ofize nazional por le sorvisc zivil.

(3) Por i fins preodüs dai comesc 1 y 2 vëgnel autorisé la spëisa de 100 miliuns de lires a ćiaria dl eserzize finanziar 2000 sön le capitul 51495. La spëisa a ćiaria di eserzizi finanziars suandënć vëgn autorisada cun la lege finanziara anuala. 22)

22)
L'art. 11/bis é gnü ajuntè dal art. 8 dla l.p. di 25 de jenà dl 2000, n. 2.

Art. 12 21)

21)
Omissis

Art. 13 (Normes finales))

(1) Les organisaziuns de volontariat che à ciafè le reconescimënt de idoneité aladô dl articul 3 dla lege provinziala dl 1. de merz dl 1983, n. 6, po, te dui agn dala jüda en forza de chësta lege, adatè i ać costitutifs o i statuć, ales desposiziuns preodüdes dai articui 1 y 2 de chësta lege, por l'iscriziun d'ofize tl register provinzial.

(2) Les convenziuns stlütes jö danter les organisaziun de volontariat y i ënć responsabli di sorvisc, aladô dl articul 5 dla lege provinziala dl 1. de merz dl 1983, n. 6, ne po nia gnì renovades chitamënter, sce les convenziuns ne respetëia nia i contignüs preodüs dal articul 3 de chësta lege, y les organisaziuns de volontariat n'à nia adatè i statuć aladô dl coma 1 de chësc articul.

(3) Les organisaziuns de volontariat scrites ite tl register aposta n'à nia debojëgn dl'autorisaziun preodüda dal articul 20, coma 2 dla lege provinziala di 30 d'aurì dl 1991, n. 13.

(4) Tl respet de ći che vëgn preodü dai comesc 1 y 2, vëgnel abroghè la lege provinziala dl 1. de merz dl 1983, n. 6.

(5)  Canche al vëgn apliché por le pröm iade chësta lege y ma por la dorada dla legislatöra da śëgn, vëgn i rapresentanć dles organisaziuns de volontariat tl Osservatore provinzial, preodü dal articul 8, coma 3 y tl comitê de gestiun dl Fonds spezial preodü dal articul 10, coma 3, designà dales organisaziuns de volontariat che laôra tla provinzia, independentemënter da süa iscriziun tl register provinzial.

(6) Al vëgn abroghè l'articul 35 dla lege provinziala di 13 de dezëmber dl 1985, n. 17, sostituì dal articul 9, dla lege provinziala di 11 de messè dl 1991, n. 19, y l'articul 11 dla lege provinziala di 18 d'agost dl 1988, n. 33.

(7) I recuisić damanà por mëte sö n'organisaziun de sostëgn sozial, les desposiziuns por tignì le register dles organisaziuns, les modalitês d'iscriziun y de straicada dal register y ći che va ćiamò debojëgn da regolamentè, vëgn stabilis cun un o de plü regolamënć d'esecuziun da emanè te 180 dis dala jüda en forza de chësta lege. 23)

(8) Grups de porsones y d’atri sogec de dërt che fej domanda d’iscriziun tl register provinzial dles organisaziuns de volontariat o tl register provinzial dles organisaziuns de sostëgn sozial mëss avëi i recuisic preodüs dal decret legislatif di 3 de messé dl 2017, n. 117.  24)

Chësta lege gnarà publicada tl Boletin Ofizial dla Regiun. Vignun a chël che al ti speta mëss la respetè y la fà respetè sciöche lege dla Provinzia.

 

23)
Le coma 7 é gnü ajuntè dal art. 28 dla l.p. di 28 de messè dl 2003, n. 12.
24)
L’art. 13, coma 8 é gnü ajunté dal art. 3, coma 1 dla l.p. di 7 d’agost dl 2018, n. 18.
ActionActionNormativa Costituzionela
ActionActionLegislazion Provinziela
ActionActionI Alpinistica
ActionActionII Lëur
ActionActionIII Mineres
ActionActionIV Chemuns y cumenanzes raioneles
ActionActionV Furmazion prufescionela y adestramënt al lëur
ActionActionVI Defendura di teraces, frabiches per l’ega
ActionActionVII Energia
ActionActionVIII Finanzes
ActionActionIX Turism y ndustria d’albierch
ActionActionX Assistënza y benefiziënza
ActionActionA A – Assistënza ala persones de tëmp
ActionActionB B – Servisc de consulënza per la families
ActionActionC C – Scolines coa – servisc umans dl di
ActionActionD D – Familia, ëila, junëza
ActionActionE E – Mesures per persones cun handicap
ActionActionF F – Ntervënc tl ciamp dla dependënzes
ActionActionG G – Mesures per nvalic zevii
ActionActionH H – Assistënza economica de basa
ActionActionI I – Cooperazion per l svilup
ActionActionJ J – Servijes soziei
ActionActionK K – Previdënza ntegrativa
ActionActionL L – Ulentariat
ActionActiona) Lege Provinziala di 1 de messè dl 1993, n. 11
ActionActionArt. 1 ((Fins)   
ActionActionArt. 2 (Ativité de volontariat y sostëgn sozial)
ActionActionArt. 3 (Organisaziuns de volontariat y organisaziuns de sostëgn sozial)    
ActionActionArt. 4 (Ressurses economiches y alisiraziuns fiscales)  
ActionActionArt. 5 (Register provinzial dles organisaziuns de volontariat y dles organisaziuns de sostëgn sozial)  
ActionActionArt. 6  
ActionActionArt. 7  
ActionActionArt. 8  
ActionActionArt. 9 (Flessibilité dl orar de laûr)
ActionActionArt. 10 ((Fonds spezial por le volontariat)
ActionActionArt. 10/bis (Scomenciadies por le sostëgn dl'ativité de volontariat)  
ActionActionArt. 10/ter (Colaboraziun cun le Zënter de sorvisc por le volontariat)
ActionActionArt. 11
ActionActionArt. 11/bis (Sorvisc zivil)
ActionActionArt. 12
ActionActionArt. 13 (Normes finales))
ActionActionc) Lege provinziala di 19 d’otober dl 2004, n. 7 —
ActionActiond) Lege Provinziala di 19 de novëmber dl 2012, n. 19
ActionActionM Emigrei
ActionActionXI Ustaries
ActionActionXII Nuzënzes ziviches
ActionActionXIII Urdinamënt di bòsc
ActionActionXIV Sanità y igena
ActionActionXV Nuzeda dl’eghes
ActionActionXVI Cumerz
ActionActionXVII Artejanat
ActionActionXVIII Liber fundier y cataster
ActionActionXIX Ciacia y Pëscia
ActionActionXX Prutezion contra l meldefuch y prutezion zevila
ActionActionXXI Scolines
ActionActionXXII Cultura
ActionActionXXIII Ufizies provinziei y personal
ActionActionXXIV Defendura dla cuntreda y dl ambient
ActionActionXXV Agricultura
ActionActionXXVI Lernerat
ActionActionXXVII Fieres y marceies
ActionActionXXVIII Lëures publics
ActionActionXXIX Manifestazions publiches
ActionActionXXX Raiun y contrada
ActionActionXXXI Cuntabltà
ActionActionXXXII Sport y tëmp liede
ActionActionXXXIII Stredes
ActionActionXXXIV Trasporc
ActionActionXXXV Istruzion
ActionActionXXXVI Patrimone
ActionActionXXXVII Economia
ActionActionXXXVIII Frabiché abitatif
ActionActionXXXIX Leges cun desposiziuns desvalies (Omnibus)
ActionAction*
ActionAction*
ActionAction*
ActionActionIndesc cronologich