In vigore al

RICERCA:

Ultima edizione

h) Lege provinziala di 12 de dezëmber dl 2016, n. 261)
Desposiziuns tla materia de personal dles fraziuns dl Consëi dla Provinzia autonoma de Balsan

1)
Publicada tl suplemënt n. 2 dl B.O. di 20 de dezëmber dl 2016, n. 51.  La verjium ladina é gnüda publicada tl B.O. di 14 de forá dl 2017, n. 7.

Art. 1 (Oget y fins)

(1) Deache por l'ativité dl Consëi provinzial ól assolutamënter ester les fraziuns dl Consëi provinzial mëssel ti gní garantí le bojëgn fondamental por süa esistënza y so funzionamënt.

(2) Le personal assegné a vigni fraziun dl Consëi provinzial, che vëgn chirí fora sön la basa de n raport de crëta cun les fraziuns, pó tó ite porsones che ne laora nia tl’aministraziun publica, dependënc/dependëntes dl Consëi provinzial o personal comané al Consëi provinzial.

(3) Por garantí n bun funzionamënt dles inciaries istituzionales, dles ativités de stüde y de legislaziun di aconsiadus y dles aconsiadësses dla Provinzia, liades ales ativités dl Consëi provinzial, vëgnel regolamenté cun chësta lege l’assunziun de personal por sostigní les fraziuns dl Consëi provinzial che s’á costituí aladô dl articul 20 dl regolamënt intern dl Consëi provinzial, aprové cun deliberaziun dl Consëi dla Provinzia autonoma de Balsan di 12 de ma dl 1993, n. 4, y mudaziuns suandëntes. Le personal tut sö a chësta moda á n raport de laur aladô dl dërt privat a dorada determinada.

Art. 2 (Personal dles fraziuns dl Consëi provinzial)

(1) Le Consëi provinzial pó tó sö, por l’eserzize dl’ativité dles fraziuns dl Consëi provinzial aladô dl articul 1, personal da ti assegné ales fraziuns dl Consëi cun cosć a ciaria dl bilanz dl Consëi provinzial.

(2) Le personal che ti vëgn assegné ales fraziuns dl Consëi provinzial ne röia nia tl organich y ne vëgn nia tut en conscidraziun canche al vëgn determiné döt l'organich dl Consëi provinzial preodü tl plann organich general dl personal dl Consëi dla Provinzia autonoma de Balsan, injunté ala deliberaziun di 15 de novëmber dl 1989, n. 9, y mudaziuns suandëntes.

(3) Le majer numer de personal preodü dal coma 1 ti vëgn assegné a vigni fraziun dl Consëi provinzial sön la basa di criters preodüs dal regolamënt sön les prestaziuns a bëgn dles fraziuns dl Consëi provinzial y le decunt relatif, aprové cun deliberaziun dl Consëi dla Provinzia autonoma de Balsan di 12 de merz dl 2014, n. 3, y mudaziuns suandëntes.

(4) Vigni post a tëmp plëgn pó gní sostituí da de plü posć a tëmp parzial cina anuzé deplëgn les ores de n post a tëmp plëgn.

(5) Le raport de laur dl personal assegné ales fraziuns dl Consëi provinzial se röia de regola le de do la pröma sentada dl Consëi provinzial lité tla legislatöra suandënta. Le raport de laur á ince na fin tl caje de scomposiziun dla fraziun dl Consëi provinzial corespognënta, y te vigni caje sce al n'é nia plü le raport de crëta preodü dal articul 1, coma 2.

Art. 3 (Condiziuns por l'assunziun dl personal)

(1) Por l'assunziun dl personal assegné ales fraziuns dl Consëi provinzial vel les condiziuns generales por l'assunziun ti ënc publics dla Provinzia autonoma de Balsan.

(2) 2)

(3) 2)

2)
I comesc 2 y 3 dl art. 3 é gnüs abrogá dal art. 12, coma 1, lëtra b) dla l.p. di 6 de messé dl 2017, n. 8.

Art. 4 (Renviada a d'atres desposiziuns)

(1) Canche les desposiziuns de chësta lege vëgn aplicades adeguëia le Consëi provinzial so regolamënt sön les prestaziuns a bëgn dles fraziuns dl Consëi provinzial y le decunt relatif, aprové cun deliberaziun dl Consëi dla Provinzia autonoma de Balsan di 12 de merz dl 2014, n. 3, y mudaziuns suandëntes.

Art. 5 (Desposiziun finanziara)

(1) Por curí i cosć che vëgn dal'aplicaziun de chësta lege che amunta a 1.000.000,00 euro a pié ia dal 2017, vëgnel tut i mesi a desposiziun sön la basa dl'autorisaziun de spëisa legala preodüda dal art. 34 dla lege provinziala di 29 de jená dl 2002, n. 1, y mudaziuns suandëntes, tres na reduziun di contribuc corespognënta por le finanziamënt di cosć de personal dles fraziuns dl Consëi provinzial. Les spëises a ciaria di agn finanziars che á da gní vëgn stabilides vigni ann cun la lege de stabilité.

(2) La Repartiziun provinziala Finanzes vëgn autorisada da fá, cun sü decrec, les mudaziuns de bilanz che ó ester.

Art. 6 (Jüda en forza)

(1) Chësta lege vá en forza le de do süa publicaziun tl Boletin Ofizial dla Regiun.

Chësta lege gnará publicada tl Boletin Ofizial dla Regiun. Vignun a chël che al ti speta mëss la respeté y la fá respeté sciöche lege dla Provinzia.

 

ActionActionNormativa Costituzionela
ActionActionLegislazion Provinziela
ActionActionI Alpinistica
ActionActionII Lëur
ActionActionIII Mineres
ActionActionIV Chemuns y cumenanzes raioneles
ActionActionV Furmazion prufescionela y adestramënt al lëur
ActionActionVI Defendura di teraces, frabiches per l’ega
ActionActionVII Energia
ActionActionVIII Finanzes
ActionActionIX Turism y ndustria d’albierch
ActionActionX Assistënza y benefiziënza
ActionActionXI Ustaries
ActionActionXII Nuzënzes ziviches
ActionActionXIII Urdinamënt di bòsc
ActionActionXIV Sanità y igena
ActionActionXV Nuzeda dl’eghes
ActionActionXVI Cumerz
ActionActionXVII Artejanat
ActionActionXVIII Liber fundier y cataster
ActionActionXIX Ciacia y Pëscia
ActionActionXX Prutezion contra l meldefuch y prutezion zevila
ActionActionXXI Scolines
ActionActionXXII Cultura
ActionActionXXIII Ufizies provinziei y personal
ActionActionA A – Strutura dirigenziela
ActionActionB B – Despusizions spezieles n cont di servijes de setor
ActionActionC C – Assunzion tl servisc provinziel y profii prufescionei
ActionActionD D – Despusizions genereles n cont dl stat giuridich di dependënc provinziei
ActionActionE E – Cuntrac coletifs
ActionActionF F – Organich y rodui
ActionActionG G – Furnimënt de servisc
ActionActionH H – Cuntlujion dl servisc y pruvidënzes per la pension
ActionActionI I – Trasferimënt de personal da d’autri ënc
ActionActionJ J – Jonta provinziela
ActionActionK K – Cunsëi provinziel
ActionActionc) DELIBERAZIUN DL CONSËI PROVINZIAL di 12 de ma dl 1993, n. 4
ActionActiond) Lege provinziala di 26 de juni dl 2009, n. 3
ActionActione) Lege provinziala di 4 de forà dl 2010, n. 3
ActionActiong) Lege provinziala di 23 de aurì dl 2015, n. 3
ActionActionh) Lege provinziala di 12 de dezëmber dl 2016, n. 26
ActionActionArt. 1 (Oget y fins)
ActionActionArt. 2 (Personal dles fraziuns dl Consëi provinzial)
ActionActionArt. 3 (Condiziuns por l'assunziun dl personal)
ActionActionArt. 4 (Renviada a d'atres desposiziuns)
ActionActionArt. 5 (Desposiziun finanziara)
ActionActionArt. 6 (Jüda en forza)
ActionActioni) Lege provinziala di 19 de mà dl 2017, n. 5
ActionActionL L – Pruzedura aministrativa
ActionActionM M – Referendum y vela dl Cunsëi provinziel
ActionActionXXIV Defendura dla cuntreda y dl ambient
ActionActionXXV Agricultura
ActionActionXXVI Lernerat
ActionActionXXVII Fieres y marceies
ActionActionXXVIII Lëures publics
ActionActionXXIX Manifestazions publiches
ActionActionXXX Raiun y contrada
ActionActionXXXI Cuntabltà
ActionActionXXXII Sport y tëmp liede
ActionActionXXXIII Stredes
ActionActionXXXIV Trasporc
ActionActionXXXV Istruzion
ActionActionXXXVI Patrimone
ActionActionXXXVII Economia
ActionActionXXXVIII Frabiché abitatif
ActionActionXXXIX Leges cun desposiziuns desvalies (Omnibus)
ActionAction*
ActionAction*
ActionAction*
ActionActionIndesc cronologich