(1) Chësta lege regolamentëia l'esecuziun de rapresentaziuns teatrales y cinematografiches, rezitaziuns, manifestaziuns d'intratignimënt y de sport, spetacui ambulanc, mostres y d'atres manifestaziuns de chësta sort che vëgn tignides te n post publich o davert al publich; implü vëgnel ince regolamenté l'eserzize de salfs da bal, da biliard, da jüch y de d'atri posć d'atraziun.
(2) Por manifestaziuns che vëgn tignides te n post publich o davert al publich y ince por l'eserzize de salfs da bal, da biliard, da jüch y de d'atri posć d'atraziun mëssel gní damané l'autorisaziun dla Presidënta/dl Presidënt dla Provinzia che autorisëia cun le medemo provedimënt aladô dla lege provinziala di 14 de dezëmber dl 1988, n. 58, y mudaziuns suandëntes, ince la soministraziun de spëises y boandes. 3)
(3) Sce al é prigo da desturbé dassënn l'ordin publich, la segurëza y le chît publich po les manifestaziuns gní proibides o al po gní metü dant limitaziuns de tëmp y de post. 3)
(4) Manifestaziuns d’intratignimënt te eserzizi publics ne mëss nia gní autorisá, sce ai vëgn tignis te ocajiuns particolares y por n numer limité de porsones y sce al vëgn respeté le limit mascim dla capazité de rezeziun di locai respetifs.
(5) Les reuniuns te posć publics o daverc al publich ne vëgn nia sotmetüdes a chësta lege. 4)
L'art. 1, comesc 2 y 3 é gnü sostituí insciö dal art. 1, coma 1 dla l.p. di 17 de setëmber dl 2013, n. 17.
L'art. 1, coma 5 é gnü injunté dal art. 1, coma 2 dla l.p. di 17 de setëmber dl 2013, n. 17.