(1) Les scores pó svilupé cina la fin dl secundo bienium dl secundo scalin d’istruziun y formaziun na süa modalité de valutaziun dles competënzes. La Junta provinziala definësc i criters y les modalités.
(2) Implü pól gní formé sön la basa de n’impostaziun didatica che tol ite ince na modalité de valutaziun preodüda dal coma 1, classes o grups che á n ann de curs desvalí y che pó gní metüs adöm da scolares y scolars da etés desvalies.
(3) Sön la basa dles modalités de valutaziun preodüdes dal coma 1 pó la scora tó la dezijiun da baraté fora la valutaziun te numeri y tó na dezijiun sön l’amisciun o nia amisciun ala classa suandënta dles scolares y di scolars impormó do i trëi agn o i dui agn preodüs dales indicaziuns provinziales.
(4) Tl caje de trasferimënt te n’atra scora dá dant le consëi de classa dla scora de provegnënza l’ann de curs olá mëte la scolara o le scolar. An mëss a vigni moda se tigní ales desposiziuns por l’ejam final dl pröm y secundo scalin d’istruziun y formaziun. 10)