(1) La lîta dl Consëi dla Provinzia autonoma de Balsan vëgn fata ala fin dla legislatöra corënta, aplican la regolamentaziun contignida tla lege provinziala di 14 de merz dl 2003, n. 4, sön les “Desposiziuns sön la lîta dl Consëi dla Provinzia autonoma da Balsan dl’ann 2003”, sciöch’inće les atres desposiziun preodüdes dai comes dessot.
(2) Por ći che reverda l’andamënt dla litaziun intratan le dé dles lîtes y le resultat dla cumpedada dles usc tles sëntes litales, ti vëgnel atira menè al Ministerium dl Intern na comunicaziun dala Repartiziun provinziala Sorvisc zentrai tres le Comissariat dl Govern, inće tres le suport telematich.
(3) Adöm ala lista di candidać mëss inće gnì presentada la detlaraziun de azetaziun dla candidatöra y le zertificat de portignënza o agregaziun al grup linguistich, relascè aladô dl articul 20-ter dl decret dl Presidënt dla Republica di 26 de lugio dl 1976, n. 752, y mudaziuns suandëntes, o, por chi che n’à nia fat la detlaraziun preodüda dal articul 20-ter dl decret dl Presidënt dla Republica di 26 de lugio dl 1976, n. 752, la detlaraziun de portignënza o agregaziun al grup linguistich por i fins y les faziuns dl mandat lital. Le contignü de chëstes detlaraziuns y de chisc zertificać ne po nia gnì revochè por la dorada y por i fins dl mandat lital.