(1)La Provinzia autonoma de Bulsan sustën la lidëza y la pluralità di mesuns de nfurmazion per sodesfé i bujëns soziei, culturei y de democrazia dla populazion dl Südtirol, per putenzië la identità linguistica y culturela dla persones purtenientes ala grupes linguistiches ladina, tudëscia y taliana, per garantì l pluralism de idees y na ufierta ndependënta, deferenzieda, balanzeda y capilera dla nfurmazions sun tematiches locales. L ti vën dat n’atenzion particulera ai bujëns dla grupes etniches defendudes dal Statut d’autonomia. 2)
