In vigore al

RICERCA:

In vigore al: 04/10/2016

b) Lege provinziala di 18 de dezëmber dl 2002, n. 151)
Test unich dl ordinamënt di sorvisc cuntra le medefüch y de proteziun zivila

Visualizza documento intero
1)
Publicada tl Supl. n. 1 dl B.O. di 31 de dezëmber dl 2002, n. 54.

Art. 12 (Repartiziun por la proteziun cuntra le medefüch y zivila)

(1)  Por l’atuaziun dles respetives inćiaries se sorvësc le Zënter operatif provinzial y le Comitê provinzial por la proteziun zivila dl Ofize por la proteziun zivila denominé cun decret dl Presidënt dla Provinzia di 25 de jügn dl 1996, n. 21. Les competënzes dl Ofize vëgn stabilides cun decret dl Presidënt dla Provinzia.

(2)  I finanziamënć por la gestiun dl Zënter operatif provinzial y di Zëntri operatifs raionai y inće dl Comitê provinzial por la proteziun zivila vëgn surantuć dala repartiziun competënta por la proteziun cuntra le medefüch y zivila.

(3)  La repartiziun competënta por la proteziun cuntra le medefüch y zivila ti mët a desposiziun al Zënter operatif provinzial y al Comitê provinzial por la proteziun zivila le secretariat, i chedri spezialisà y le personal competënt por che ai pois ademplì sü dovëis. 5)

(3/bis)  La Repartiziun provinziala Proteziun cuntra le medefüch y proteziun zivila se crüzia dla formaziun y dl ajornamënt tl ćiamp dla proteziun zivila. 6)

(4)  I implanć de radiotrasmitënza y la rëi de trasmisciun aministrà dala Repartiziun competënta por la proteziun cuntra le medefüch y zivila y conzedüs al’aministraziun provinziala vëgn manajà dala medema Repartiziun; chësta se fistidiëia dl’inventarisaziun di implanć de radiotrasmitënza y proponn i conservatars.

(4/bis)  Por garantì la segurëza publica po l’aministraziun provinziala eseguì aladô di criters stabilis dala Junta provinziala la manutenziun di implanć de radiotrasmitënza y dles rëis de trasmisciun dles organisaziuns de pröm aiüt reconesciüdes y fà i investimënć nezesciars por che i implanć y les rëis de radiotrasmitënza funzionëies ala perfeziun. 7)

(5)  Ti caji de prigo iminënt por la segurëza publica, che se damana l’intervënt de de plü unitês d’organisaziun, surantol la Repartiziun competënta por la proteziun cuntra le medefüch y zivila, en colauraziun cun le Zënter operatif provinzial, laûrs de coordinaziun y é responsabla de menè inant les informaziun ala stampa.

(6)  Le Ofize por la proteziun zivila ćiara d’atrezè i comëmbri dl Zënter operatif provinzial y i atri funzionars y les atres funzionares, che ne po assolutamënter nia manćé, cun stromënć de comunicaziun adatà y mesi da chirì porsones.

(7) 8)

5)
L’art 12, coma 3 é gnü mudé insciö dal art. 7, coma 2 dla l.p. di 15 de mà dl 2013, n. 7.
6)
Le coma 3/bis é gnü injuntè dal art. 19 dla l.p. di 23 de dezëmber dl 2005, n. 13.
7)
Le coma 4/bis é gnü injuntè dal art.12 dla l.p. di 28 de messè dl 2003, n. 12.
8)
L'art. 12, coma 7 é gnü naôta sostituì dal art. 11 dla l.p. di 8 d’aurì dl 2004, n. 1, y spo abroghè dal art. 22, coma 1, lëtra a) dl D.P.P. di 5 de dezëmber dl 2014, n. 31.