(1) Al ti speta al'ombolta competënta/al ombolt competënt te chël raiun da conzede les autorisaziuns por podëi tigní manifestaziuns che toma tla competënza locala de un n comun y ara/al eserzitëia ince les funziuns aministratives che alda lapró. 5)
(2) L'ombolta/l'ombolt mëss se tigní ales diretives dades dala Presidënta/dal Presidënt dla Provinzia. Na copia di provedimënc tuc dal'ombolta/dal ombolt te chësc contest ti mëss atira gní menada ala Presidenta/al Presidënt dla Provinzia che po revoché i provedimënc por rajuns de segurëza publica, de ordin y chît publich.
(2/bis) Por manifestaziuns publiches cun alplü 500 porsones che se röia dan les 3 da doman y che vëgn tignides al intern de strotöres cun n'idoneité azertada y che se tëgn al limit dla capazité de rezeziun vëgn l'autorisaziun aladô dl coma 1 de chësc articul, l'autorisaziun acustica preodüda dal articul 12 dla lege provinziala di 5 de dezëmber dl 2012, n. 20 y l'autorisaziun da dé fora da mangé y da bëre preodüda dala lege provinziala di 14 de dezëmber dl 1988, n. 58 y mudaziuns suandëntes sostituides dala comunicaziun zertificada de scomenciamënt dl'ativité, a condiziun che do les 10 da sëra ne vëgnel nia plü desturbé le chît dla vijinanza. La comunicaziun zertificada mëss gní fata almanco 5 dis denanco la manifestaziun mëtes man. 6)
(3) I gragn evënc determiná dala Junta provinziala romagn de competënza dla Presidenta/dl Presidënt dla Provinzia. 7)
(4) La Repartiziun provinziala Ënc locai fej la registraziun di spetacui ambulanc. 8)