i) Lege provinziala di 17 de dezëmber dl 2015, n. 161)
Desposiziuns sön i apalc publics

(1) Sce l’aministraziun comitënta mëss tó ite o adoré l’opera o le laur realisé o pert dl’opera o dl laur realisé dan stlü jö daldöt i laurs y chësta eventualité é gnüda preodüda tl contrat, pón jí inant la surantolon danperfora a condiziun che:

1. al sides gnü fat la colaudaziun statica y ara ais albü n resultat positif;
   
2. al sides atira gnü damané dala responsabla unica/dal responsabl unich dl prozedimënt le zertificat d'abitabilité, le zertificat d'agibilité dles operes fates o la lizënza d’adoranza;
   
3. al sides gnü fat i coliamënc idrics, eletrics y dla canalisaziun che vá debojëgn por les rëis di sorvisc publics;
   
4. al sides gnü fat les proes preodüdes dal capitolat d'apalt spezial;
   
5. al vëgnes scrit na relaziun detaiada aposta da injunté al verbal de surandada dl laur.
   

(2) La direturia/Le diretur di laurs controlëia sce al é danman les condiziuns preodüdes dal coma 1 y fej ince les constataziuns che vá debojëgn por azerté che l’ocupaziun y l’adoranza dl’opera o dl laur é poscibla ti limic de segurëza y zënza problems dl’aministraziun comitënta y zënza jí cuntra le contrat.

(3) La direturia/Le diretur scrí n verbal, sotescrit ince dala responsabla unica/dal responsabl unich dl prozedimënt che contëgn les constataziuns fates y les conclujiuns.

(4) La surantuta antizipada ne influenzëia nia le iudize definitif sön le laur y sön dötes les chestiuns che pó gní sö y sön les responsabilités dl apaltadú eventuales y suandëntes.