(1) Tl respet di caji preodüs da certes normes de setur, él pro i laurs da na soma mëndra co le limit comunitar na gran prescia, sce l’ënt interessé zertifichëia, do n relevamënt aposta, che i intervënc, ince sön implanc, aredamënc y dotaziuns funzionales, vá debojëgn por:
- mëte en segurëza i frabicac scolastics de vigni ordin y degré, dles scolines y di conservatori de musiga, cun lapró i frabicac nüs por sostituí i frabicac che n’á nia i recuisic por sconé l’integrité y la sanité dl’utënza;
- smendrí i prighi idrogeologics o le prigo idrogeologich tl teritore;
- l’adatamënt ales normes antisismiches;
- sconé l’ambiënt y le patrimone cultural.
(2) Ai intervënc preodüs dal coma 1 ti vëgnel apliché les desposiziuns de scemplificaziun aministrativa y azeleraziun dles prozedöres, tl respet dles normes europeiches por la sconanza dla concorënza.
(3) I laurs da manco co le limit comunitar ti pó gní surandá dal’aministraziun comitënta, dala responsabla unica/dal responsabl unich dl prozedimënt, tl respet di prinzips de trasparënza, concorënza y rotaziun, cun invit a altamo diesc operadus economics.
(4) Pro i laurs da manco co 200.000 euro por mëte en segurëza i frabicac scolastics de vigni ordin y degré, dla scolina y di conservatori de musiga, él conzedü la surandada direta dala responsabla unica/dal responsabl unich dl prozedimënt, tan inant che ai é tl respet di prinzips de trasparënza, concorënza y rotaziun, cun invit a altamo cin operadus economics.