(1) I laurs en economia vëgn surandá dales direturies/dai direturs o dales funzionaries inciariades/dai funzionars inciariá.
(2) L’aprovaziun dl program anual por laurs, sorvisc y fornidöres en economia comporta tl medemo tëmp l'aprovaziun dl proiet.
(3) I laurs en economia cina a 200.000 euro nia ajuntá tl program anual mëss gní sotmetüs al’aprovaziun preventiva dl proiet y dl impëgn de spëisa da pert di direturs/dles direturies o dles funzionaries inciariades/di funzionars inciariá.
(4) Sce la soma di laurs, di sorvisc y dles fornidöres é mëndra co 40.000 euro pó les condiziuns dl contrat gní tratades diretamënter cun n singul operadú economich.
(5) Sce la soma di laurs, di sorvisc y dles fornidöres é anfat o majera co 40.000 euro inviëia l’aministraziun comitënta, sce ara n'ó nia s'anuzé dla facolté da chirí fora danter i operadus interessá, preodüda dal art. 46, altamo cin operadus economics cualificá, sce al é tan de sogec adatá.
(6) Pro laurs, sorvisc y fornidöres de gran prescia scrí la responsabla unica/le responsabl unich dl prozedimënt dl’aministraziun comitënta na relaziun y dá dant les rajuns dla prescia, les rajuns che l'á gaujada y i intervënc che vá debojëgn por tó y jí impara. La relaziun ti vëgn ortiada atira al’aministraziun comitënta, che ti dá i intervënc a un o plü operadus economics che ara á chirí fora. La responsabla unica/Le responsabl unich dl prozedimënt comana zënza pisimé l’esecuziun di intervënc che vá debojëgn y é indispensabli; implü scriera/scriel, cina n termin adaté dé dant dal’aministraziun comitënta, n arat y ti le ortia inant cun la relaziun de gran prescia al’aministraziun comitënta. Le prisc dles prestaziuns comanades vëgn definí a öna cun l’afidatar; sce al mancia damperfora n'acordanza vëgn i prisc fac fora don dant les obieziuns dla responsabla unica/dl responsabl unich dl prozedimënt y dl apaltadú y aprové dal’aministraziun comitënta. Por i intervënt da manco co 200.000 euro ti vëgn l’aprovaziun dl arat y dl impëgn de spëisa surandé al organ de competënza por l'import. Sce n’opera o n laur, n sorvisc o na fornidöra fac por rajuns de gran prescia ne ciafa nia l’aprovaziun dl organ competënt dl’aministraziun comitënta, ván inant cun la licuidaziun dles spëises dla pert realisada sön la basa dl’oferta azetada.
(7) 24)
(8) D'atri detais sön l’esecuziun di laurs, di sorvisc y dles fornidöres en economia vëgn regolamentá cun regolamënt.