a) Lege Provinziala di 13 de mà dl 1992, n. 131)2)
Normes sön les manifestaziuns publiches

(1) Al vëgn istituí la Comisciun provinziala por manifestaziuns publiches.

(2) La Comisciun vëgn nominada dala Junta provinziala por cater agn y ara é metüda adöm da:

1. la direturia/le diretur dl ofize provinzial competënt por les manifestaziuns publiches sciöche presidënta/presidënt;
   
2. n'injiniera/n injinier o n'architëta/n architët;
   
3. n'esperta/n espert de prevenziun dl medefüch;
   
4. n'esperta/n espert d'eletrotecnica;
   
5. n'esperta/n espert de medejina d'emergënza;
   
6. na porsona en rapresentanza dla Cuestöra; 17)
   
7. na porsona en rapresentanza de che che fej sorvisc por evënc; 17)
   
8. na porsona sciöche rapresentanta dl setur dla cultura dla jonëza; 17)
   
9. na porsona en rapresentanza dl'assoziaziun plü rapresentativa a livel provinzial dl'ativité di eserzizi publics. 17)
   

(3) Por vigni comëmber dla comisciun vëgnel nominé n comëmber suplënt che rapresentëia le comëmber efetif sce al mancia o ne sciafia nia.

(4) Les funziuns da secreter dla Comisciun vëgn surantutes da na funzionara/n funzionar dla Repartiziun provinziala Ënc locai.

(5) L'ombolta/L'ombolt y la comandanta/le comandant di stödafüch competënc te chël raiun tol pert cun dërt de lîta ales sentades y ai suraposć dla Comisciun; la damananta/le damanant o na porsona delegada á le dërt da gní ascuté en gaujiun de de te sentades y suraposć. La Comisciun po ti deleghé certes funziuns a comëmbri singui. 18)

(6) Ai comëmbri dla Comisciun ti vëgnel paié, sce al ti speta, i compësc preodüs por i comëmbri de comisciuns istituides pro l'aministraziun provinziala. 19)