(1) Le sorvisc sanitar dla Provinzia autonoma de Balsan s'anüza dla colaboraziun dles organisaziuns di donadus de sanch por ademplí les ativités dl sorvisc de trasfujiun de sanch.
(1) La Junta provinziala é autorisada da ti conzede ann por ann ales organisaziuns di donadus de sanch, che é gnüdes metüdes sö regolarmënter y laora tl Südtirol, na sovenziun por les spëises de gestiun, d'assoziaziun y de propaganda.
(2) Por ciafé i benefizi preodüs dal coma 1 mëss les organisaziuns di donadus de sanch atives tl Südtirol ti presenté na domanda aposta al'aministraziun provinziala cina ai 30 d'aurí de vigni ann.
(3) Implü é la Junta provinziala ince autorisada da ti conzede n contribut fis ales organisaziuns di donadus de sanch por vigni unité de sanch donada y metüda a desposiziun di zëntri de prelevaziun che laora tl cheder dl sorvisc sanitar provinzial.
(4) La Junta provinziala determinëia vigni ann la cuota fissa por vigni unité de sanch doné preodüda dal coma 3.
(1) Ala domanda de sovenziun preodüda dai comesc 1 y 2 dl articul 2 él da injunté chësta documentaziun:
(2) La Junta provinziala é autorisada da ti conzede tl scomenciamënt de vigni eserzize finanziar al'organisaziun di donadus de sanch volontars n'antizipaziun cina al 50% dla sovenziun reconesciüda l'ann da denant. Chësta antizipaziun vëgn conzedüda sön la basa de na domanda aposta che é da presenté cina ai 15 de jená de vigni ann.
(1) La lege provinziala di 24 de novëmber dl 1973, n. 86, y le regolamënt d'esecuziun che alda lapró preodü dal decret dl Presidënt dla Provinzia di 12 de setëmber dl 1974, n. 66, é gnüs abrogá.
(2) La lëtra a) dl coma 1 dl articul 11 dla lege provinziala di 18 d'agost dl 1988, n. 33, é gnüda abrogada.
Chësta lege vëgn publicada tl Boletin Ofizial dla Regiun. Vignun a chël che al ti speta é oblié da la respeté y da la fá respeté sciöche lege dla Provinzia.