s) Lege provinziala di 19 de mà dl 2015, n. 61)
Ordinamënt dl personal dla Provinzia

(1) Le contingënt complessif di posć dl personal dla Provinzia vëgn fat fora cun lege. Le contingënt complessif di posć dl personal di atri ënc preodüs dal articul 1 y dles aziëndes provinziales vëgn fat fora sön süa proposta cun deliberaziun dla Junta provinziala.

(2) Les condiziuns por podëi tó sö personal é:

1. al mëss ester preodü tl contingënt de posć o,
   
2. al mëss, sce al vëgn tut sö defora dal contingënt di posć, gní garantí la curida finanziara che alda lapró, ince tolon les ressurses programades por le personal sajonal.
   

(3) Canche al vëgn aprové le bilanz de previjiun determinëia i singui ënc le numer de porsones che pó gní tutes sö eventualmënter defora dal contingënt de posć, tl cheder di mesi finanziars metüs a desposiziun sön le bilanz de previjiun.

(4) Cun deliberaziun dla Junta provinziala vëgnel metü sö, do avëi aldí i sindacac, i contingënc di posć di seturs dl personal dla Provinzia, tl respet dl contingënt complessif di posć, por chël che al vëgn garantí la curida finanziara tl bilanz de previjiun.

(5) I articui 15 y 15/bis dla lege provinziala di 29 de jügn dl 2000, n. 12, y mudaziuns suandëntes, romagn en forza.