b) Lege provinziala di 18 de dezëmber dl 2002, n. 151)
Test unich dl ordinamënt di sorvisc cuntra le medefüch y de proteziun zivila

(1)  Pro la repartiziun competënta en materia de proteziun cuntra le medefüch y proteziun zivila vëgnel metü sö le Comitê provinzial por le sorvisc cuntra le medefüch sciöche organn tecnich-consultif dla Provinzia autonoma de Balsan.

(2)  Il Comitê é metü adöm da:

1. dui rapresentanć o döes rapresentantes dla repartiziun competënta en materia de proteziun cuntra le medefüch y proteziun zivila; un di dui o öna dles döes surantol la inćiaria de presidënt o presidënta;
   
2. dui rapresentanć o döes rapresentantes dl’Uniun provinziala di Corps di stödafüch volontars;
   
3. n rapresentant o na rapresentanta di comuns dla provinzia de Balsan, chirì/chirida fora danter trëi inoms proponüs dal Consorz di comuns.
   

(3)  Le Comitê vëgn nominé dala Junta provinziala y romagn en ćiaria por la dorada dla legislatöra dl Consëi provinzial.

(4)  Le Comitê formulëia propostes y dà jö arać en materia de proteziun cuntra le medefüch.

(5)  Ai componënć o ales componëntes dl Comitê ne ti spétel degun compëns. I cosć de partezipaziun ales sentades dl Comitê é a ćiaria di sogeć y organns rapresentà, che s’anüza di stanziamënć ordinars de bilanz, zënza gaujè de majeri cosć o ćiamò d’atri cosć a ćiaria dla finanza publica. 10)