(1) Tla cunzescions de gran autedes d'ega per fins idroeletrics à i cunzescioneres la ublianza de ti fé avëi ala Provinzies de Bulsan y de Trënt uni ann debant – per servijes publics y categories de nuzënc da determiné cun lege provinziela – 220 kWh per uni kW de putënza numinela mesana de cunzescion; l'energia eletrica muessa unì data ju pra l mplant de produzion o sun la linia de trasport y de destribuzion a auta tenscion cunlieda cun l mplant nstës tl pont plu cunvenient per la Provinzia.
(2) Oradechël stabilësc la Provinzies, cun lege, i criteres per la determinazion dl priesc dl'energia nunzieda tlo dessëura y data ca al’aziendes de destribuzion sciche nce i criteres per la tarifes de nuzeda, che ne possa a uni moda nia vester plu autes de chëles delibredes dal Cumité Interministeriel per i Priejes (CIP).
(3) I cunzescioneres de gran autedes d'ega a fin idroeletrich ti messerà paië ala Provinzies uni mez ann 6,20 Lire per uni kWh de energia che les ne à nia tëut ju. Chësta soma per unità nunzieda dessëura se muderà pruporzionalmënter ala variazions, nia plu basses dl 5% dl priesc mesan de venduda dla energia eletrica dl ENEL che resultea dal bilanz cunsuntif dl ënt nstës.
(4) Sun la dumandes de cunzescion per de gran autedes d'ega prejentedes, tla Provinzies de Trënt y de Bulsan, n cuncurënza dal ENEL y dai ënc locai, determinei sun na basa de na lege dl Stat che unirà ora, deziderà l Minister per i lëures publics deberieda cun l Minister per la ndustria, l cumerz y l artejanat y a una cun la Provinzia nteresseda teritorialmënter. 6)
Cun sentënza di 26 de merz dl 2014, n. 64 à la Chëurt Costituzionela detlarà nia fundedes la cuestions de legitimità costituzionela dl articul 29 dla lege provinziela di 8 d'auril dl 2004, n. 1 y dl art. 3, comes 1 y 2 dla lege provinziela di 29 d'agost dl 2000, n. 13 che à mudà l art. 1, comes 1 y 2 dla lege provinziela di 29 de merz dl 1983, n. 10.