(1) Zënza aziché ći che vëgn desponü dal articul 49, vëgn i elemënć de segurëza destinà ai implanć aladô de chësta seziun, metüs sön le marćé ma sc’ai corespogn ales condiziuns fondamentales preodüdes dala injunta II.
(2) I elemënć de segurëza dà dant tl coma 1 po ma gnì metüs sön le marćé sc’ai lascia pro da realisé implanć, te chi ch’ai mëss inće gnì metüs, che corespogn ales condiziuns fondamentales preodüdes dala injunta II.
(3) I elemënć de segurëza preodüs dal coma 1 po ma gnì metüs en sorvisc sc’ai porta pro a realisé implanć, te chi ch’ai vëgn metüs, che ne mët nia al prigo la segurëza y la sanité dles porsones o la segurëza de bëgns sc’ai vëgn istalà indortöra, sce la manutenziun é inće aladô y le sorvisc é conform a süa destinaziun.
