a) Lege provinziala di 18 de jügn 2002, n. 81) —
Desposiziuns sura les eghes

(1)  I dovëis di comuns é:

1. le refornimënt dl´ega da bëre publich y la determinaziun dla tarifa por le sorvisc de refornimënt dl´ega da bëre;
2. l´aprovaziun dl regolamënt dla condüta dal´ega;
3. la gestiun dl cataster dles condütes dal´ega publiches;
4. la realisaziun y la gestiun dla rëi de canalisaziun y dles sarenares por les eghes pazes comunales por i raiuns d'insediamënt en conformité cun le plann de sconanza dles eghes;8)
5. la prelevaziun y la desgorta dl paltan di sistems de desmetüda individuai aladô dl articul 34 coma 3 ti caji odüs danfora dal regolamënt d´esecuziun;
6. l´aplicaziun de n regolamënt por le sorvisc de canalisaziun y de depuraziun en conformité y respetan i terminns che gnarà fissà cun regolamënt d´esecuziun;
7. le control sön l´osservanza dles desposiziuns de chësta lege y inće le conferimënt dles autorisaziuns, di arać y di provedimënć de süa competënza;

(2)  Por la realisaziun y la gestiun dles rëis de canalisaziun y dles sarenares d´interès suracomunal aplichëia i comuns le sorvisc integrè aladô dl articul 5. Al sorvisc de canalisaziun y de depuraziun integrè po i comuns trasferì inće sorvisc dal´ega d´interès comunal.