a) Lege provinziala di 18 de jügn 2002, n. 81) —
Desposiziuns sura les eghes

(1)  I dovëis dla Provinzia é:

1. l´istituziun di raiuns de sconanza dl´ega da bëre y l´elaboraziun dl plann de sconanza dl´ega da bëre por vigni raiun;
2. l´elaboraziun dl plann provinzial por la sconanza dles eghes;
3. la coordinaziun dles ativitês y di intervënć di ënć responsabli por l´atuaziun dl plann de sconanza dles eghes;
4. la realisaziun y la gestiun di implanć por la desgorta dles eghes pazes sce al é odü danfora dal plann de sconanza dles eghes;
5. la formaziun dl cataster dles condütes dal´ega paza che ne röia nia tla rëi de canalisaziun;
6. le control sön l´osservanza dles desposiziuns de chësta lege y inće l´emisciun de ates y provedimënć de competënza dla Provinzia;
7. le relevamënt dles carateristiches cualitatives y cuantitatives dles eghes, la denominaziun y la tlassificaziun dles eghes en funziun di obietifs de cualité;
8. la publicaziun dles informaziuns che reverda la situaziun de cualité dles eghes;
9. l´atuaziun di provedimënć sostitutifs che va debojëgn tl caje che i ënć competënć foss inatifs.