(1) Per bujëns de servisc particuleres y mutivei possa l diretëur dla Repartizion Finanzes y bilanz autorisé, n auternativa ala pruzedures de contabltà nunziedes ti articuli 53 y 54, la nuzeda de manieres de paiamënt tres n cont curënt bancher ntestà ala Provinzia per dejëujer spëises atribuibles a mé un n capitul y cun la medema tlassificazion de gestion. L cont vën alimentà sun la basa dl bujën efetif tres mandac de paiamënt a bën de n dependënt nciarià aposta dal assessëur provinziel cumpetënt o dal diretëur dla repartizion provinziela cumpetënta. Canche l vën stlut ju l eserzize finanzier vën la somes nia autorisedes sun l cont curënt nunzià trasferides ala ntredes dl bilanz provinziel.
(2) La rendicontazion dla spëises gestides aldò dla modaliteies nunziedes tl coma 1 vën fata n basa ala ndicazions dates dal diretëur dla Repartizion Finanzes y bilanz. 47)
