c') Lege Provinziala di 5 de merz dl 2001, n. 71)
Ordinamënt nü dl Sorvisc sanitar provinzial

(1)  Sotmetüs al control preventif de legitimité dla Junta provinziala é i provedimënć dl Diretur general enumerà chilò dessot:

1. i bilanc de previjiun cun i programs d’ativité che alda laprò, sües variaziuns y i cunć consuntifs;
2. i regolamënć che reverda l’organisaziun y le funzionamënt general dl’Aziënda sanitara;
3. les mudaziuns dl personal;
4. i programs y i planns anuai y plurienai.

(2)  I provedimënć preodüs dal coma 1 ti mëss gnì presentà te 5 dis da canche ai é gnüs emanà, al assessur provinzial por la sanité por gnì ejaminà, scenò tomi. Sce la Junta provinziala ne se lascia nia aldì tl tëmp de 45 dis do che ara i à ciafè, spo vëgn i provedimënć esecutifs. 53)

(3)  L’Assessur provinzial por la sanité po ghiré dal’Aziënda sanitara, anter 15 dis do ch’ai à ciafè i provedimënć aladô dl coma 1, informaziuns suplementares. Te chësc caje vëgn i terminns stabilis tl coma 2 por l’eserzize de control sospenüs ćina che les informaziuns suplementares vëgn presentades. I provedimënć vëgn anulà sce l’Aziënda sanitara ne fistidiëia nia por l’ademplimënt anter 30 dala presentaziun dla domanda.54)