c') Lege Provinziala di 5 de merz dl 2001, n. 71)
Ordinamënt nü dl Sorvisc sanitar provinzial

(1)  En conformité cun la programaziun provinziala, cun ordinamënt aziendal, cun la programaziun strategica aziendala a saul dles competënzes dl Diretur general, à le Diretur dl comprensore sanitar la competënza y la responsabilité de realisé les diretives y les regoles dla direziun generala sciöch’inće la programaziun y la gestiun operativa dl teritore corespognënt, y dantadöt:

1. dl’integraziun danter i sorvisc sanitars dl comprensore sanitar y di sorvisc sozio-sanitars;
2. dl coordinamënt complessiva di sorvisc sanitars y di sorvisc aministratifs, tecnics y profescionai dl comprensore sanitar;
3. dl relevamënt, dl orientamënt y la valutaziun dla domanda sanitara y sozio-sanitara, dla verificaziun dl gre dla respognënza ala domanda tignin cunt di obietifs de sanité arjunć definis inće a livel aziendal, sciöch’inće la garanzia dl azès ai sorvisc sanitars y sozio-sanitars tl comprensore tres n sistem integrè y tl respet ti tëmps de aspetanza stabilis a livel provinzial y aziendal;
4. dla gestiun dl budget assegné a vignun di comprensori sanitars y dla contrataziun cun i responsabli dles unitês organisatives por determiné i obietifs, les ativitês y les ressurses;
5. dla valutaziun comparativa di cosć y di resultać tres le control de gestiun ;
6. dla nominaziun di responsabli de strotöres scëmples y di direturs d’ofize dl comprensore sanitar;
7. dl’espresciun dl consëns cun le Diretur general aladô dl articul 48, comesc 3, 7, 8, 9 y 10, dl articul 12/bis, coma 4 y dl articul 14, comesc 5 y 6, sciöch’inće por l’inćiaria de diretur de departimënt y de diretur de repartiziun dl comprensore sanitar;
8. dl’assunziun dl personal dependënt, cun contrat o convenzionè tl comprensore sanitar, ti limi dles ressurses assegnades;
9. dla gestiun dl sistem de valutaziun di dirigënć dl comprensore sanitar;
10. dla predisposiziun dles gradatöres permanëntes y dles gradatöres aladô dles esigënzes sciöch’inće le destrigamënt di concursc y dles prozedöres de seleziun al livel dl comprensore sanitar, tignin cunt dles strotöres aposta aladô dl coma 2;
11. dla gestiun dl personal dl comprensore sanitar sön la basa dles regoles aziendales;
12. dla contlujiun di contrać sindacai te materies de interès comprensiorial y che é gnüdes surandades ala contrataziun coletiva aziendala;
13. dles prozedöres che reverda fornidöres y sorvisc de interès comprensorial y dles medemes prozedöres de interès aziendal de chëres che l’esecuziun ti vëgn surandada al comprensore sanitar;
14. dles ativitês aladô dl articul 16, coma 3, numer 9), dla lege provinziala di 2 de jenà 1981, nr. 1, y les mudaziuns suandëntes, di laûrs aladô dl articul 2, coma 1, lëtra i), delegà dala Junta provinziala, sciöch’inće la gestiun dl patrimone y dla segurëza al livel dl comprensore;
15. dl’implementaziun, la manutenziun y l’assistënza di sistems informatifs che é importanć por le comprensore;
16. de vigni atra funziun delegada dal Diretur general.

(2)  Por l’ademplimënt dles funziuns aladô dl coma 1, s’anüza le diretur dl comprensore sanitar dles strotöres spezialisades por i singui ćiamps.

(3)  Le Diretur dl comprensore sanitar é superiur al coordinadù di direturs medicai, dl coordinadù di dirigënć tecnich-assistenziai y dl coordinadù di dirigënć aministratifs dl comprensore sanitar.28)