(1) Por les stritaries en materia de mêsc stlüć che reverda la determinaziun de che che surantol le mêsc stlüt y la determinaziun dl prisc de assunziun é competënt en materia la signoria. La signoria dl post olache al é la sënta dl ofize dl cataster olache le mêsc stlüt é scrit ite tl liber fondiar é competënt a livel teritorial.20)
(2) Te dötes les chestiuns de strit di mêsc stlüć revardëntes la determinaziun dla porsona che surantol le lüch stlüt y dl prisc d´assunziun vëgnel osservè les desposiziuns dla pert 1, dl titul IV, dl liber II, dl codesc de prozedöra zivila. Ala proposiziun dla domanda vëgnel apliché les desposiziuns preodüdes dal articul 5, coma 1, dl decret legislatif di 4 de merz dl 2010, n. 28. Le tentatif d´apajada vëgn fat dan la Repartiziun provinziala Agricoltöra dla Provinzia autonoma de Balsan-Südtirol. 21)
(3) Sce al é gnü presentè deboriada cun les domandes preodüdes dal articul 21, coma 1, domandes liades a chëres preodüdes dal articul 22, coma 2, o sce les chestiuns de strit che alda laprò é gnüdes metüdes adöm daldô, mëss le prozedimënt gnì fat aladô dles formes dl rit ordinar. 22)