c) Lege Provinziala di 6 de aurì dl 1993, n. 81)
Revardënta ntervënc a bën di fitamajons y di fitadëures de cuatieres per feries

(1) La dumandes de cuntribut ie da prejenté al ufize provinziel respunsabl y muessa vester njuntedes da chisc documënc:

1. la fotocopia dl atestat nunzià tl art. 2 dla lege provinziela dl 15 de jené dl 1982, n. 3, mudeda dala lege provinziela n.6 dl 1987 y dala lege provinziela n. 7 dl 1988,
   
2. l proiet esecutif di lëures y, sce l n ie debujën de una, la cunzescion de frabica,
   
3. preventif dla spëises,
   
4. l’autozertificazion che atestea, che pra la prejentazion dla dumanda ne òven mo nia scumencià cun i lëures o che n ne à nia scumencià i lëures plu che sies mënsc dan la prejentazion dla dumanda y che l nvestimënt ne reverda nia auter che majons y cuatieres per feries. 4)