3) Decret dl Presidënt dla Republica dl 31 de agost 1972, n. 6701)
Apurvazion dl test unich dla leges costituzioneles che reverda l statut speziel per l Trentin-Südtirol

(1) La provinzies à cumpetënza legislativa tla materia de finanza locala.

(2) Tla materies de si cumpetënza, possa la provinzies istituì chëutes locales nueves. La lege provinziela regulea la chëutes nunziedes y la chëutes locales cumeneles de natura imubiliera istituides cun lege statela, nce n desvieda da chësta lege, nen determinan la modaliteies de scudida y lascian pro che i ënc locai mude l’alicuotes y vëije danora esenzions, detrazions y deduzions.

(3) La partezipazions ai rendimënc y ala adiziuneles ala chëutes stateles che la leges dl Stat atribuesc ai ënc locai ti spieta ala provinzies per i ënc locai dl teritore curespundënt. Sce la lege statela regulea la istituzion de adiziuneles tributeres, tlamedes coche mei da pert di ënc locai, se cruzia la provinzies dla finaliteies curespunëntes determinan i criters, la modaliteies y i lims d’aplicazion de chësta regulamentazion per l teritore respetif.

(4) L pudëi legislatif tla materies nunziedes ti comes 1 y 2 de chësc articul vën eserzità tl respet dl articul 4 y di liams che se porta pro dal urdinamënt dla Union europeica». 55)