(1) La cunseliera de valivanza nueva à l duvëir de cuntrasté la descriminazions sun l post de lëur basedes sun la purtenienza de ses y de purté dant mesures miredes a realisé la valivanza danter i sesc tl ciamp dl lëur.
(2) La cunseliera de valivanza eserzitea oradechël la funzions ududes danora dal decret legislatif di 11 de auril dl 2006, n. 198, y mudazions suzessives. Ora che per cie che ie udù danora autramënter da chësta lege, vel la despusizions dl decret legislatif nunzià dessëura.
(3) La cunseliera de valivanza valutea i planns per la valivanza laurei ora dala aministrazion provinziela aldò dl articul 3, coma 1, y la possa fé prupostes de mudazion di planns nstësc.
(4) La cunseliera de valivanza fej pert dla cumiscion provinziela per l lëur y dla cumiscion provinziela de valivanza. La se cruzia oradechël de reprejenté l aspet dla valivanza dla chances tla cumiscions de verdia udui danora dai programs di fonds struturei dla Union Europeica.
