(1) Te duc i organns regulei per lege y numinei tl'aministrazion provinziela muessel vester cumplessivamënter na situazion de balanz danter i sesc.
(2) Te duc i organns numinei dal Cunsëi provinziel o dala Jonta provinziela muessel vester cumplessivamënter, ora che ti organns politics y dla cumiscion provinziela per la valivanza dla chances, na situazion de balanz danter i doi sesc.
(3) Ti caji te chëi che la numinazion di cumëmbri singui de organns ti spieta al Cunsëi provinziel o ala Jonta provinziela, muessa la numinazions unì fates aldò de n raport cumplessivamënter balanzà danter i doi sesc.
(4) Per la sozieteies cun partezipazion provinziela, ti caji che la numinazion de cumpunëntes singules o cumpunënc singui de organns o funzions ti spieta ala Jonta provinziela, muessa la numinazions unì fates aldò de n raport cumplessivamënter balanzà danter i doi sesc.
(5) Te duc i organns nunziei pra i comes 1 y 2 muessel vester reprejentà tramedoi i sesc, cun la ezezions nunziedes tl coma 2. A pië via da n numer de 8 persones, muessel vester leprò almanco doi persones di doi sesc y nsci inant.