g) Lege provinziala di 24 de setëmber dl 2010, n. 111) —
Segondo livel de istruzion y furmazion dla Provinzia autonoma de Bulsan

(1) I percursc dla istruzion lizeala y dla istruzion tecnica dura cin ani y ie partii su te doi bienns y te n cuinto ann.I lizeums y istituc tecnics fina via cun n ejam de Stat.

(2) I percursc dla istruzion y furmazion prufesciunela se articulea nsci:

1. percursc che dura trëi ani y che fina via cun la cualificazion prufescionela; chësta cualificazion reprejentea l titul per l azes al cuarto ann di percursc che dura cater ani. Chësc cuarto ann ie ratà n ann de spezialisazion;
   
2. percursc che dura cater ani y che fina via cun la arjonta dl diplom prufesciunel;
   
3. cursc de un n ann a chëi che n vën lascei pro cun l diplom prufesciunel y che fina via cun n ejam de Stat;
   
4. percursc de lernerat tl cheder dla ublianza de istruzion y dl dërtduvier de istruzion y furmazion che fina via cun la arjonta de n atestat de cualificazion prufesciunela o de n diplom prufesciunel; 2)
   
5. percursc de istruzion prufesciunela che dura cin ani, partìi su te doi bienns y n cuinto ann y che fina via cun n ejam de Stat.
   

(3) Al segondo livel de istruzion y furmazion vënien lascei pro do che n à superà l ejam de Stat dl prim livel.