(1) Les scores de musiga metüdes sö dai istituć d’educaziun musicala é istituziuns de formaziun dl sistem formatif provinzial.
(2) Zënza tochè les desposiziuns dades dant tl articul 21 dla lege provinziala di 14 de dezëmber dl 1998, n. 12, y mudaziuns suandëntes, po la scora autonoma determiné tl program de scora criters por les formes de colaboraziun cun les scores de musiga dl istitut por l’educaziun musicala. Por chësc fin tëgnera cunt dl contest cultural y sozial.
(3) D’ajunta ales ativitês dla cuota facoltativa opzionala dla scora po les scolares y i scolars se chirì fora, sön la basa dl program de scora, l’insegnamënt dles scores de musiga provinziales.
(4) La scora autonoma po, sön la basa de so program de scora, reconësce ativitês fora dla scora por la cuota facoltativa opzionala. La Junta provinziala determinëia i criters de cualité generai che alda laprò.
