(1) I custimënc per i servijes liei ala gestion dl refudam de nridlamënt ie curii dai chemuns tres l’istituzion de na tarifa. L’abineda deferenzieda dl refudam de mpacamënt resta a cëria di produtëures y di cunsumadëures.
(2) La tarifa ie da apliché pra duc chëi che ocupea o mëina locai o sperses nia curides che ne costituësc nia njonta o purtenienza di locai nstësc, unfat per cie che i vënie adurvei, ejistënc ti raions dl teritore cumenel.
(3) La tarifa ie metuda adum da na cuota determineda n relazion ala pertes essenzieles dl custimënt dl servisc, cun referimënt particuler ai nvestimënc per i mplanc y a si amortamënc, y da na cuota rapurteda al amudlé de refudam purtà adalerch, al servisc fat y al'autëza di cosć de gestion, a na maniera che l vënie segurà la curida d'almanco l 90% dla spëises d'amortamënt y d'eserzize. La tarifa ie partida su te fasces d'adurvanza; per la categoria abitazions vëniel te uni cajo aplicà na cërta tarifa minima n raport ala cuantità de refudam jagheda.
(4) La tarifa vën determineda y scudida dai chemuns nce tenian cont dl plann finanzier per i ntervënc liei al servisc.