i) Lege Provinziala di 26 de mà dl 2006, n. 41)2)
Gestion dl refudam y defendura dl terac

(1) L’aplicazion de chësta lege ne stluj nia ite:

1. la sustanzes gasëuses lascedes ora tl’aria liedia,
2. [la tieres y i sasc da giavedes y i resć dla laurazion de sasc, che ne ie nia cuntaminei, destinei a unì giavei ite y a unì adurvei per mplenimënc, coche sofonz y a unì majenei;] 6)
3. l miani y d'autri materiai vegetei nia cuntaminei te na mesura che sëurapassa i lims de azetabltà stabilii dala Jonta provinziela aldò dl articul 40, coma 4, pustom a), pruvenienc da roies de desćeria y aghiei de irigazion, che possa unì adurvei coche prudot nsci coche i ie;
4. l refudam radioatif;
5. l refudam che resultea dala giaveda, dala estrazion, dal tratamënt, dal amudlé de ressurses minereles o dal sfrutamënt dla caves;
6. i corps de tieres o prudoc segonderes da tieres che ie destinei ala nuzedes aldò dl regulamënt 1774/2002/EG dl Parlamënt europée y dl Cunsëi dl 3 de utober 2002;
7. chetum y lamboscia y d’autra sustanzes natureles nia periculëuses, che vën adurvedes tl’agricultura, te na maniera particulera, materiai sassëusc y vegetei, che vën adurvei tl’agricultura y tla cultivazion di ciamps, y tiera da ciamp che se porta pro dal netamënt di prudoc vegetei;
8. l’eghes de desćëria aldò dla lege provinziela dl 18 de juni 2002, nr. 8, ora che l refudam luter;
9. i combustibli aldò dl articul 8 dla lege provinziela dl 16 de merz 2000, nr. 8; per i combustibli aldò dl articul 8, coma 9 dla lege provinziela dl 16 de mei 2000, nr. 8, iel debejën dl cunsëns dl ufize gestion dl refudam;
10. i materiai esplojifs che ne ie nia plu da adurvé;
11. i resć che vën dala preparazion de uni sort de spëisa nia lutra, cueta y cruva ora de cësadafuecs de uni sort, che ne ie nia ruveda tl cërtl de distribuzion dl maië y che ie destineda ala strutures de sistemazion per tieres de cësa;
12. l cokes da petruele adurvà coche combustibl per mplanc de produzion;
13. l material sassëus, che vën tëut ora da aghiei, ciadins idrics y liec de ruves pervia de lëures de manutenzion cumandei dala autoriteies cumpetëntes.