i) Lege Provinziala di 26 de mà dl 2006, n. 41)2)
Gestion dl refudam y defendura dl terac

(1) La ublinaza de tenì y scrì ora n register dl refudam aldò dla manieres fissedes dala Jonta provinziela à:

1. chi che recuperea o smaltësc refudam; 8)
   
2. chi che dejëuj a titul prufescionel ativiteies d’abineda y de trasport de refudam;
   
3. i cumerzianc y i ntermediatëures de refudam, cun o zënza detenzion dl refudam;
   
4. i produtëures y i detenienc de refudam periculëus.
   

(2) Nia ubliei a tenì n register dl refudam ie chi che ie abilità al’ativiteies de abineda y de trasport de refudam fates tla forma ambulanta, tl lim dl refudam che ie oget de si cumerz.

(3) I registri ntegrei cun formuleres de identificazion dl refudam vën tenii su per cin ani dala data dla ultima registrazion, ora che i registri dla desćëries che muessa unì tenii su a tëmp ndetermina y dac ju pra l ufize gestion dl refudam ala fin dl’atività.