i) Lege Provinziala di 26 de mà dl 2006, n. 41)2)
Gestion dl refudam y defendura dl terac

(1) L plann provinziel per la gestion dl refudam stabilësc i obietifs dla gestion dl refudam y muessa cuntenì:

1. na descrizion dla situazion dla gestion dl refudam de nridlamënt y dl refudam speziel;
2. la scumenciadives fates per limité la cuantità y l pericul dl refudam de nridlamënt y dl refudam speziel;
3. la metodes de tratamënt y de recupereda n cont dla sortes y dla cualità dl refudam de nridlamënt y dl refudam speziel y oradechël n capitul spezifich:
   1. per la gestion de categories particuleres dl refudam de nridlamënt y dl refudam speziel;
   2. per la gestion dl mpacamënt y dl refudam de mpacamënt;
   3. per la gestion di aparac che cuntën PCB aldò dl decret legislatif dl 22 de mei 1999, nr. 209;
4. la lueges y i mplanc de smaltimënt dl refudam;
5. i raions de nuzeda di mplanc de tratamënt dl refudam;
6. l orden de priorità di pruvedimënc;
7. la sciazeda dla spëises finanzieles;
8. la reprejentazions grafiches te na scala adateda a mustré su i cuntenuc dl plann.