k) Lege provinziala di 21 de mà dl 2002, n. 71)
Desposiziuns por promöie le superamënt o l’eliminaziun di impedimënć architetonics

(1) Pro la Repartiziun provinziala sorvisc sozial él gnü istituì le Zënter de consulënza y de documentaziun sön i impedimënć architetonics che ademplësc chisc compić:

1. al fej stüdi, inrescides y relevamënć sön i impedimënć architetonics che é te Südtirol;
2. al promöi ativitês de sensibilisaziun y de informaziun por arjunje i fins de chësta lege;
3. al promöi scomenciadies de formaziun, d’ajornamënt y d’adestramënt por arjunje i fins de chësta lege;
4. al ti dà consulënza tecnica ai ënć publics y ai proprietars privać de frabicać, costruziuns y implanć sotmetüs ales prescriziuns tecniches sön i impedimënć architetonics sciöche inće ai profescionisć lëdi che laôra tl setur dl frabiché;
5. al cöi adöm la documentaziun d’ütl sön les normes de lege varëntes sciöche inće sön les soluziuns architetoniches y tecniches adotades o da podëi adotè por miorè l’azessibilité y l’anuzabilité di frabicać;
6. al verifichëia y lascia alsavëi les violaziuns eventuales dles normes sön le superamënt o l’eliminaziun di impedimënć architetonics.

Art. 4 (Coordinamënt cun les normes por frabiché)

(1) Les normes por le superamënt o l’eliminaziun di impedimënć architetonics à la priorité sön les desposiziuns contignides ti regolamënć dl frabiché di comuns y sön i planns y programs urbanistics che ne va nia a öna cun chëstes. Te vigni caje mëssel gnì respetè les destanzes legales odüdes danfora dal codesc zivil.