b) Lege provinziala di 18 de dezëmber dl 2002, n. 151)
Test unich dl ordinamënt di sorvisc cuntra le medefüch y de proteziun zivila

(1) I comëmbri dl Zënter operatif provinzial vëgn nominà dala Junta provinziala y resta tl’inćiaria por cin agn alalungia o almanco ćina che al vëgn nominé i mëmbri nüs. Le Zënter operatif provinzial à la sënta pro le Corp di stödafüch de profesciun a Balsan.

(2) Le presidënt o la presidënta convochëia le Zënter operatif provinzial y po detlarè la situaziun d’emergënza sce tl teritore provinzial sozédel avenimënć che por süa natöra y dimenjiun lascia preodëi de gran situaziuns de prigo.

(3) Le presidënt o la presidënta dl Zënter operatif provinzial à la funziun de coordinadù o de coordinadëssa dla Provinzia y nominëia inanter i comëmbri dl Zënter operatif provinzial öna o de plü porsones sciöche vizepresidëntes che sostituësc le presidënt o la presidënta en caje d’assënza o impedimënt. Le presidënt o la presidënta valutëia les segnalaziuns y les dates rovades adalerch dala Zentrala provinziala d’emergënza al Corp di stödafüch de profesciun che ti caji de nezescité mët jö na relaziun por les sentades dl Zënter operatif provinzial.

(4) Le Zënter operatif provinzial aministrëia y coordinëia l’ativité di intervënć dl’aministraziun dla Provinzia, dl Stat, di comuns, di sorvisc di stödafüch y de proteziun zivila.3)

(5) Le Zënter operatif provinzial é metü adöm dai comëmbri suandënć:

1. le Presidënt dla Provinzia o dal assessur competënto dal’assessuria competënta por la proteziun zivila a će dla direziun;
2. n rapresentant o na rapresentanta dla repartiziun competënta por le sorvisc dles strades;
3. n rapresentant o na rapresentanta dl comissar o dla comissara dl Govern;
4. n rapresentanto na rapresentanta dla repartiziun competënta por i bosć;
5. n rapresentant o na rapresentanta dla repartiziun competënta por les costruziuns idrauliches;
6. n rapresentant o na rapresentanta dl Corp di stödafüch de profesciun;
7. n rapresentant o na rapresentanta dl’Uniun provinziala dl Corp di stödafüch volontars;
8. n rapresentanto na rapresentanta dla repartiziun competënta por ći che reverda la proteziun cuntra le medefüch y la proteziun zivila;
9. n rapresentanto na rapresentanta dl sorvisc provinzial d’emergënza sanitara.

(6) I comëmbri suplënć po gnì chiris fora de iade en iade dai mëmbri efetifs dal’organisaziun instëssa tignin cunt dla situaziun d’emergënza.

(7) Le presidënt o la presidënta dl Zënter operatif provinzial po invié a tó pert ales reuniuns d’atri funzionars o porsones cun competënzes tecniches dl’aministraziun statala, provinziala o de d’atri ënć y inće porsones espertes en particolar geologs o geologhes y l’Ofize stampa dla Provinzia. N dependënt o na dependënta dla repartiziun competënta por la Proteziun cuntra le medefüch y la proteziun zivila eserzitëia la funziun de secretêr o de secreteria. Le mëmber deleghè dal comissar o dala comissara dl Govern tl Zënter operatif provinzial rapresentëia les aministraziuns statales y à l’autorisaziun a tó dezijiuns.

(8) I mëmbri dl Zënter operatif provinzial y inće les porsones espertes cherdades adalerch ciafa la retribuziun odüda danfora dala normativa provinziala, tan inant che ara ti speta.