(1) La Junta provinziala, sön proposta dl consëi d’aministraziun dl’Aziënda speziala, stabilësc ći aziëndes, industries, magazinns y frabicać analogs che mëss avëi n so sorvisc de prevenziun dal medefüch y d’intervënt finanzié autonomamënter, la mosöra minima de chësc sorvisc, les carateristiches di implanć y di materiai y tan de mëmbri di stödafüch che mëss ester tresfora presënć tl’aziënda intratan i orars de laûr. I cosć relatifs é a ćiaria dl’aziënda.
(2) Les scuadres é metüdes adöm dal personal dependënt dl’aziënda che é adatè al sorvisc cuntra le medefüch. Ares sotestà al datur o ala daturia de laûr che à la responsabilité dan dal diretur tecnich o dala direturia tecnica dl’Aziënda speziala che fej le control tecnich. L’istruziun tecnica po gnì dada dala Scora di stödafüch provinziala preodüda dal articul 55, sön la basa dles tarifes stabilides dal consëi d’aministraziun dl’Aziënda speziala.
(3) Pro intervënć particolarmënter ris vel le prinzip d’aiüt y de sostëgn reziproch preodü dal articul 32; porchël po le comandant o la comandanta dl intervënt o l’ombolt o l’ombolta damanè l’intervënt dles scuadres di stödafüch aziendales inće defora dal’aziënda. Les spëises relatives é te chësc caje a ćiaria dl comun olache al é stè l’intervënt. Al vëgn inće apliché l’articul 49, comes 1, 2 y 3.
