(1) Dl consëi d’aministraziun fej pert i mëmbri suandënć:
(2) Le laûr de secretariat vëgn fat da personal dependënt o inćiarié dl’aministraziun provinziala.
(3) I comëmbri y le secretêr o la secreteria vëgn nominà dala Junta provinziala. Le consëi d’aministraziun romagn tl’inćiaria por cin agn y tl tëmp de chësc terminn mëssel gnì renovè. Le consëi po lité n vizepresidënt o na vizepresidënta da nominé fora de so gremo.
(4) Por che les sentades ais validité mëss la maioranza di comëmbri ester presënta. Le consëi d’aministraziun delibrëia a maioranza de usc dles porsones presëntes. A parité de usc é chëra dl presidënt o dla presidënta la usc dezidënta.
(5) Le presidënt o la presidënta po invié a tó pert ales sentades zënza dërt de usc le dotur de crëta dl’Aziënda speziala y porsones espertes ti ćiamps metüs al ordinn dl dé; implü pol ti surandè al diretur tecnich o ala direturia tecnica y/o al diretur aministratif o ala direturia aministrativa o a d’atri comëmbri inće inćiaries afidades aladô dl articul 3 dla lege regionala di 20 de agost dl 1954, n. 24, y mudaziuns suandëntes al ispetur o al’ispeturia dla Provinzia.
(6) I comëmbri y les porsones espertes ciafa tan inant che al ti speta les retribuziuns y les retüdes de spëises odüdes danfora dales diretives dla Provinzia.