c') Lege Provinziala di 5 de merz dl 2001, n. 71)

(1) L’osservaziun epidemiologica vëgn eserzitada a livel provinzial dal Osservatore epidemologich provinzial che laora tl ćiamp dla Repartiziun Sanité dla Provinzia cun le fin de promöie, coordiné y dè fora informaziuns sön chësc tema y sön la sanité. Les informaziuns s’orientëia do les ghiranzes dla programaziun y dl control dles ativitês sanitares.

(2) L’Osservatore epidemiologich provinzial:

1. mët jö la relaziun anuala sön la situaziun sanitara provinziala, lauran fora y ajornan te na manira costanta le sistem di indicadus de control dla cualité, dl’efiziënza y dla situaziun di raporć cun i zitadins fajon inće referimënt ai cosć y ai resultać che é gnüs arjunć;
2. ativëia l’inrescida por la nezescité de conescënzes spezifiches y fej controi y elauraziuns costanć sön les dates por suravidlé y ejaminé la situaziun dl’igiena y dla sanité tla Provinzia;
3. promöi la cultura epidemiologica fajon referimënt particolarmënter ai aspeć metodologics-statics y al’introduziun de prozedöres nöies informatives;
4. partësc fora te na forma programada y sön domanda, dać selezionà y elaurà, ai organns dezijionai y pîta consulënza al personal che laora tl ćiamp statistich-epidemiologich dl sorvisc sanitar provinzial;
5. planifichëia, coordinëia y controlëia les ativitês che reverda le sistem informatif sanitar provinzial aladô dles modalitês y di criters da definì ti regolamënć provinziai aposta.

(3)3)

(4) Por le destrigamënt di compić dô le coma 2, é l’aministraziun provinziala autorisada de stlüje jö convenziuns cun esperć defora dl’aministraziun, cun universitês y cun istituć spezialisà.

(5) I dać sanitars personai mëss gnì elaurà respetan le regolamënt sön la sconanza dles porsones y de d’atri sogeć.