(1) L’organisaziun interna dl'Aziënda sanitara mëss garantì la mascima efiziënza y le mascim rendimënt dl sorvisc, l’economizité dla gestiun sciöch’inće le respet di dërć dl paziënt. L’Aziënda sanitara stabilësc cun n regolamënt dl Diretur general, la cherta di sorvisc y istituësc l’Ofize Relaziuns cun le publich cun seturs despartis te vigni comprensore, sanitar l’Ofize Relaziuns cun le personal y i sindacać, sciöch’inće la comisciun moscedada d’apajamënt, sön la basa dles diretives dla Junta provinziala.
(2) Le comprensore sanitar é strotoré tl setur sanitar y tl setur aministratif.
(3) Le setur sanitar te vigni comprensore sanitar é strotoré tl areal teritorial y te un o te deplü ospedai.
(4) Por miorè la cualité y l’efiziënza di sorvisc sanitars, istituësc l’Aziënda sanitara i departimënć che forma le model ordinar de gestiun operativa dl comprensore dl’Aziënda sanitara y süa strotöra organisativa é strotorada sön la basa dles diretives regolades dala Junta provinziala.
(5) Por vigni teritore y pro vigni ospedal y tignin cunt de ći che é preodü tl articul 12/bis, comesc 3 y 4, él n diretur medich. Le diretur medich dl teritore mëss avëi i recuisić por podëi destrighé les funziuns de diretur por la disciplina “Organisaziun di sorvisc sanitars de basa”. Ti comprensori sanitars pol gnì chirì fora le diretur dl areal teritorial inće danter i direturs medicai de na unité operativa dl areal corespondënt, tignin cunt dl’esperiënza profescionala y gestionala arjunta. Le Diretur medich dl ospedal mëss avëi i recuisić por l’azès ala funziun de diretur por la disciplina “Direziun de medejina dl ospedal”. Le Diretur general, cun le consëns dl diretur dl comprensore, ti dà l’inćiaria de coordinaziun a un di direturs medicai che laora ti singui raiuns sanitars, conservan le titul de diretur medich tl areal o tl ospedal de süa competënza. Ti raiuns sanitars cun na popolaziun majera de 150.000 abitanć vëgn na te inćiaria inće surandada a tëmp plëgn a n dirigënt medich cun inćiaria de diretur. Ti confrunć di direturs coordinadus medicai nominà chilò dessura che é i dependënć dl Diretur sanitar, destrighëia chësc l’ativité de organisaziun, de coordinamënt y d’assistënza, promoion la colauraziun y l’integraziun dl areal competënt cun l’ospedal o i ospedai.25)
(6) Le setur aministratif vëgn regolè dala lege provinziala di 4 de jenà 2000, nr. 1, y dales mudaziuns seghëntes. Le Diretur general, cun le consëns dl Diretur dl comprensore sanitar, ti dà l’inćiaria de coordinaziun a n dirigënt aministratif che laora tl comprensore sanitar. Ti comprensori sanitars cun na popolaziun majera de 150.000 abitanć vëgn chësta inćiaria inće surandada a tëmp plëgn. Ti confrunć di dirigënć coordinadus aministratifs nominà chilò dessura y dependënć dl Diretur aministratif, destrighëia chësc l’ativité d’organisaziun, de coordinaziun y d’assistënza.
(7) Le Plann sanitar provinzial stabilësc i sorvisc spezialisà aziendai.
(8) Le coleghium di direturs dl comprensore sanitar à la funziun de dè consulënza y de fà propostes ti ćiamps dla programaziun y dla valutaziun dles ativitês sozio-sanitares ti confrunć dl Diretur general.26)