(1) La Provinzia garantësc la coordinaziun dles mosöres dades dant da chësta lege tres le Sorvisc de coordinaziun por l’imigraziun che é da ciafè pro la Repartiziun provinziala Laûr olache al gnarà tut sö personal aladô dles funziuns dades dant tl coma 2.
(2) Les funziuns y les ativitês de coordinaziun dl’imigraziun vëgn stabilides cun regolamënt d’esecuziun.
(3) Por na miù coordinaziun danter les ativitês a livel provinzial y i bojëgns y les scomenciadies ti raiuns de competënza di ënć locai nominëia vigni comunité raionala y vigni comun te süa Junta n comëmber che se dà jö cun les chestiuns che reverda l’integraziun dles zitadines y di zitadins da foradecà.