(1) Por coordiné les scomenciadies coletives de carater interregional y renforzè la coejiun economica y soziala cun la Provinzia autonoma de Trënt y le Land Tirol, po la Provinzia autonoma de Balsan costituì n grup europeich de cooperaziun teritoriala (GECT) aladô dl regolamënt (CE) n. 1082/2006 dl Parlamënt europeich y dl Consëi di 5 de lugio dl 2006 sön le grup europeich de cooperaziun teritoriala (GECT), y tl respet di articui 46, 47 y 48 dla lege di 7 de lugio dl 2009, n. 88 (Lege comunitara 2008). Por l’atuaziun di obietifs y di dovëis che ti é gnüs surandà, po le GECT s’anuzé dl ofize provinzial competënt por la cooperaziun che va sura i confins fora dla Repartiziun pro-vinziala Presidënza y dl personal metü a desposiziun dala Provinzia.
(1) La spëisa por i intervënć a ćiaria dl eserzize 2011, che vëgn dal articul 1 de chësta lege y che vëgn aratà de 20.000 euro, vëgn curida cun les cuotes de stanziamënt ćiamò dan man sön la UPB 01115 dl bilanz provinzial 2011.
(2) La spëisa a ćiaria di eserzizi finziars suandënć vëgn stabilida cun lege finanziara anuala.
(1) Chësta lege va en forza le dé do süa publicaziun tl Boletin Ofizial dla Regiun.
Chësta lege gnarà publicada tl Boletin Ofizial dla Regiun. Vignun a chël ch’al ti speta é oblié da la respetè y da la fà respetè sciöche lege dla Provinzia.