(1) Por l’atuaziun de chësta lege vëgnel istituì pro la Repartiziun provinziala Agricoltöra le comitê tecnich-aministratif por la bonificaziun, nominé da chilò inant comitê tecnich-aministratif.
(2) Le comitê tecnich-aministratif odü danfora dal coma 1 vëgn nominé dala Junta provinziala y romagn en ćiaria cin agn alalungia.
(3) Al é metü adöm:
- dal diretur dla Repartiziun provinziala Agricoltöra che á la presidënza;
- da un n rapresentant dl’Agenzia por la proteziun zivila;
- da n espert nominé dala Uniun provinziala di consorc de bonificaziun, inagaziun y mioramënt dl terac;
- da n rapresentant dl'Avocatöra dla Provinzia;
- da n rapresentant dla Repartiziun provinziala Liber fondiar, Cataster fondiar y urban
- da n rapresentant dl'Agenzia provinziala por l'ambiënt y la sconanza dl clima;
- da n rapresentant nominé dal Consëi di comuns; 4)
(4) 5)
(5) La composiziun dl comitê tecnich-aministratif mëss ti corespogne ala consistënza di grups linguistics te Südtirol che resultëia dal’ultima cumpedada dla popolaziun generala.
(6) Le comitê tecnich-aministratif vëgn cherdè ite dal presidënt y al arjunj le quorum sce la maioranza de sü componënć é presënta.
(7) Tl caje de impedimënt vëgn le presidënt dl comité tecnich-aministratif sostituí dal diretur dl ofize competënt por la bonificaziun pro la Repartiziun provinziala Agricoltöra. Por i atri componënc vëgnel nominé componënc suplënc proponüs dal assessur respetivamënter competënt. 6)
(8) Les deliberaziuns dl comitê tecnich-aministratif vëgn aprovades cun la maioranza dles usc dles porsones presëntes. Tl caje de parité dles usc é chëra dl presidënt dezisiva.
(9) Sce al vëgn tratè materies por chëres che al va debojëgn de competënzes spezifiches, po le presidënt dl comitê tecnich-aministratif invié inće esperć che vëgn da fora dla provinzia a tó pert ala sentada cun usc consultiva.
(10) Le secretêr é n funzionar de altamo sesto livel dla Repartiziun provinziala Agricoltöra.
(11) Ai componënć y al secretêr dl comitê tecnich-aministratif ti vëgnel dè, tan inant che al ti speta, le paiamënt y l’indenité de sorvisc foradecà preodüs dales normes provinziales varëntes.
(12) Le comitê tecnich-aministratif po dè jö, dlungia i arać preodüs da chësta lege, arać:
- sön i recursc odüs danfora dal articul 19;
- sön les oposiziuns cuntra la costituziun y l’ampliamënt di consorc de bonificaziun;
- odüs danfora dala lege provinziala di 19 de novëmber dl 1993, n. 23, y mudaziuns suandëntes, impede la comisciun tecnica preodüda dailò, sce al va debojëgn - sön la basa dles desposiziuns varëntes - de n arat de chësta comisciun por n intervënt.
(13) L’Aministraziun provinziala po inće sotmëte al ejam dl comitê tecnich-aministratif proieć, stüdi, problems y domandes lià ala proietaziun, al’esecuziun y al decunt de laûrs de bonificaziun y de mioramënt dl terac, ales operaziuns de arondamënt di grunć y ales ativitês de verda y control di consorc de bonificaziun y de mioramënt dl terac.
L'art. 28, coma 3 é gnü sostituí insciö dal art. 15, coma 2 dla l.p. di 24 de setëmber dl 2019, n. 8.
L'art. 28, coma 4 é gnü abrogada dal art. 22, coma 1, lëtra a) dla l.p. 24 de setëmber 2019, n. 8.
L'art. 28, coma 7 é gnü sostituí insciö dal art. 15, coma 3 dla l.p. di 24 de setëmber dl 2019, n. 8.