d) Lege provinziala di 25 de forà dl 2008, n. 11) —
Ordinamënt dl artejanat

(1)  Chësta lege regolëia les ativitês artejanales eserzitades de profesciun.

(2)  Les desposiziuns de chësta lege ne vëgn nia aplicades a chëstes ativitês:

1. prestaziun de sorvisc comerziai, intermediaziun dl trafich de marćianzia y destribuziun al publich de mangiaria y boandes, ater co sce chëstes ativitês va debojëgn por l'ativité artejanala;
   
2. ativitês artistiches eserzitades da profescionisć lëdi;
   
3. dötes les ativitês artejanales eserzitades da porsones cun handicap ti zëntri soziai menà dala Provinzia o da d’atri ënć publics;
   
4. ativitês secundares de impreses agricoles che elaborëia, miora o vënn sü produć aladô dl articul 2135 dl codesc zivil;
   
5. produziun de ogeć de ert popolara, sce ara vëgn eserzitada sciöche ativité secondara y zënza l'adoranza de d’atri dependënć. Les ativitês che alda laprò vëgn determinades cun regolamënt de esecuziun.
   

(1)  Por l'eserzize dles ativitês artejanales, por chëres che chësta lege vëiga danfora condiziuns particolares, mëss l'imprenditur artejan avëi i recuisić profescionai preodüs dal titul II. Le possès di recuisić mëss gnì desmostrè inće sce l’ativité artejanala vëgn eserzitada fora dl laûr, aladô dl articul 6, coma 3, de chësta lege.

(1)  L'imprenditur artejan laôra personalmënter tl ćiamp dla produziun, dl organisaziun, dl’aministraziun o dla venüda dla impresa artejanala.

(1)  La impresa artejanala é na impresa olache al vëgn eserzité na ativité che é tla lista dles ativitês preodüda dal articul 9, olache al vëgn cumpedè sö les ativitês "de sort artejanala”, y che ademplësc altamo trëi de chisc recuisić:

1. la produziun de marćianzia y la prestaziun de sorvisc ne vëgn nia eserzitada dantadöt en seria;
   
2. l'organisaziun aziendala ne n’é nia partida sö te na unité produtiva y na unité aministrativa y al ne esist porchël nia na direziun despartida dles döes unitês y di colaboradus y dles colaboradësses che alda laprò;
   
3. la produziun de marćianzia y la prestaziun de sorvisc ne vëgn nia eserzitades dantadöt tres na divijiun sistematica dl laûr;
   
4. i laûrs ne vëgn normalmënter nia dà inant deplëgn a d’atres impreses;
   
5. la produziun de marćianzia y la prestaziun de sorvisc vëgn eserzitades dantadöt sön inćiaria.
   

(1)  Na impresa artejanala po gnì menada sciöche impresa individuala o cooperativa, consorz o sozieté, tut fora la sozieté azionara y la sozieté comanditara por aziuns.

(2)  Na impresa menada sciöche sozieté cun inom coletif vëgn conscidrada sciöche impresa artejanala sce la maioranza di comëmbri o sce - tl caje de dui comëmbri - un di comëmbri à i recuisić odüs danfora dal articul 3, coma 1.

(3)  Na impresa menada sciöche sozieté comanditara scëmpla vëgn conscidrada sciöche impresa artejanala sce la maioranza di comëmbri o sce - tl caje de dui comëmbri - un di comëmbri à i recuisić odüs danfora dal articul 3, coma 1.

(4)  Na impresa menada sciöche sozieté o cooperativa cun responsabilité limitada vëgn conscidrada sciöche impresa artejanala, sce la maioranza di aministradus o di comëmbri dl consëi de aministraziun o sce - tles sozietês metüdes adöm da dui comëmbri - altamo un, che surantol la inćiaria de aministradù, à i recuisić odüs danfora dal articul 3, coma 1, y plü co le mez dl capital dla sozieté. 2)

(5)  Les assoziaziuns de impreses artejanales singoles o les assoziaziuns de impreses de seturs desvalies vëgn conscidrades consorc artejanai o cooperatives artejanales sce le numer dles impreses artejanales é majer. Te tramidui caji é le fin de chëstes assoziaziuns chël de realisé deboriada laûrs y sorvisc o de i coordiné.

(1)  L'iscriziun de na ativité artejanala tl Register dl comerz sciöche inće la mudaziun y la straihada dl’iscriziun vëgn regolamentades dal articul 8 dla lege di 29 de dezëmber dl 1993, n. 580, y mudaziuns suandëntes, y vëgn fates aladô dl regolamënt d’esecuziun de chësta lege. 3)

(2)  Les impreses artejanales che à i recuisić preodüs dai articui 1, 3 y 4 de chësta lege vëgn scrites ite tl Register dl comerz dla Ćiamena dl comerz cun la denominaziun "impresa artejanala".

(3)  Na ativité artejanala secundara vëgn ma scrita ite sce l’ativité prinzipala de na impresa ne n’é nia artejanala. L’iscriziun é: "impresa cun ativité artejanala secundara".

(4)  L'iscriziun tl Register dl comerz sostituësc sot düć i aspeć l'iscriziun te d’atres listes, d’atri registri profescionai o d’atri registri.

(1)  La domanda de iscriziun, mudaziun o straihada vëgn conscidrada azetada sce la Ćiamena dl comerz ne comunichëia nia i provedimënć preodüs dal articul 6, tl tëmp de 30 dis dala presentaziun dla domanda.

(2)  La porsona interessada po fà recurs cuntra le provedimënt de refodanza dla Ćiamena dl comerz pro la Junta provinziala, tl tëmp de 30 dis da canche ara à ciafè la comunicaziun dl provedimënt.

(1)  Tl caje de invalidité, de mort o de na sentënza che detlarëia l’interdiziun o l’inabilitaziun dl imprenditur artejan po l'iscriziun tl Register dl comerz gnì mantignida, sön domanda da presentè tl tëmp de sis mëisc dal avenimënt, por alplü cin agn o ćina che i mituns sot ai dejedot agn à complì dejedot agn, a condiziun che l'eserzize dla impresa vëgnes surantut dal om o dala fomena, dai mituns de majera eté o dai mituns de mëndra eté che ne sotestà nia plü ala potesté di geniturs o dal ghirau di mituns sot ai dejedot agn dl imprenditur cun handicap, mort, interdit o inabilité.

(2)  I recuisić profescionai odüs danfora por les ativitês preodüdes dal titul II po gnì desmostrà inće da n colaboradù o da na colaboradëssa impede dal titolar instës.

(3)  L'assessur provinzial o l'assessuria provinziala por l’artejanat po, por rajuns motivades, arlungé de ćiamò dui agn le terminn preodü dal coma 1.

(1)  La lista dles ativitês artejanales vëgn aprovada dala Junta provinziala; ara surantol la lista tignida dala Ćiamena dl comerz canche chësta lege va en forza.

(2)  Les ativitês nöies che vëgn aratades da scrì ite vëgn portades ite tla lista preodüda dal coma 1; tl medemo tëmp vëgnel scrit ite la impresa artejanala tl Register dl comerz. Inće les organisaziuns profescionales plü rapresentatives dla provinzia y la Repartiziun provinziala Artejanat, Industria y Comerz po ti damanè ala Ćiamena dl comerz de registré ativitês nöies. Tl tëmp de 10 dis ti comunichëia la Ćiamena dl comerz la registraziun de na ativité nöia ala Repartiziun provinziala Artejanat, Industria y Comerz y ales organisaziuns profescionales plü rapresentatives dla provinzia.

(3)  Les organisaziuns preodüdes dal coma 2, sciöche inće les impreses interessades po fà recurs pro la Junta provinziala cuntra le provedimënt de registraziun o de nia-registraziun de na ativité artejanala nöia tla lista preodüda dal coma 1, tl tëmp de 30 dis da canche ares à ciafè la comunicaziun. Tl medemo tëmp po la Repartiziun provinziala Artejanat, Industria y Comerz presentè na proposta de refodanza, de mudaziun o de registraziun.

(4)  La Ćiamena dl comerz controlëia vigni cin agn, do avëi aldì la Repartiziun provinziala Artejanat, Industria y Comerz y les organisaziuns profescionales plü rapresentatives dla provinzia, la lista preodüda dal coma 1 por verifiché sce les carateristiches dles ativitês y di seturs scrić ite ti corespogn ales denominaziuns atuales.

(5)  La Junta provinziala aprovëia la lista ajornada.

(1)  Les ativitês artejanales vëgn eserzitades te locai adatà al'adoranza spezifica y conforms ales desposiziuns de lege che alda laprò.

(2)  Les ativitês artejanales che po gnì eserzitades te apartamënć, botëghes y ofizi por gauja de sües carateristiches particolares y dles capazitês profescionales damanades vëgn stabilides cun regolamënt de esecuziun.

(1)  La impresa artejanala po vëne sü produć y sü sorvisc, sciöche inće i azessurs lià a livel funzional a sü produć y sorvisc, inće sce ara ne i prodüj nia instëssa, zënza l'autorisaziun odüda danfora dal ordinamënt dl comerz, tan inant che l'ativité artejanala romagn l'ativité prinzipala.

(2)  Tl respet dles normes sön l’urbanistica varëntes mëss la venüda gnì eserzitada ti locai de produziun dla impresa o ti locai atira dlungia.

(3)  Ma les impreses artejanales scrites ite tl Register dl comerz po definì sü produć y sorvisc artejanai y i vëne sciöche produć y sorvisc artejanai.

(1)  “Maester artejan/maestra artejana” é na cualificaziun dla formaziun permanënta regolamentada dal regolamënt d'esecuziun te chisc punc:

1. profesciuns artejanales por chëres che al é preodü l'ejam de maester;
   
2. fin dl ejam;
   
3. amisciun al ejam;
   
4. strotöra y programs dl ejam;
   
5. comisciun d'ejam;
   
6. desfiramënt dl ejam;
   
7. valutaziun y denominaziun dla cualificaziun;
   
8. reconescimënt di credic formatifs;
   
9. cursc por s'arjigné ca.
   

(2)  La Provinzia pó mëte a jí manifestaziuns, scomenciadies y inrescides por promöie la formaziun de maester artejan/maestra artejana.

(3)  L’aministraziun provinziala pó organisé cursc por s'arjigné ca al ejam de maester artejan/maestra artejana. La Junta provinziala pó ince ti surandé ala Ciamena dl comerz, dl'industria, dl artejanat y dl'agricoltöra de Balsan, tl lim dla spëisa autorisada cun la lege finanziara, n finanziamënt che integrëia chël preodü dal articul 3 dla lege regionala di 14 d'agost 1999, n. 5, y mudaziuns suandëntes por la realisaziun di cursc por s'arjigné ca preodüs dala lëtra j) dl coma 1. 4)

(1)  Le diretur/La direturia dl ofize provinzial competënt por la formaziun de maester pó despone l’ecuiparaziun di diploms de maester artejan arjunc te n'atra provinzia, regiun o foradecá a chi relascá aladô dles desposiziuns provinziales varëntes. La Junta provinziala stabilësc i criters por l’ecuiparaziun. 6)

(1)  Pro la Ciamena dl comerz, dl'industria, dl artejanat y dl'agricoltöra de Balsan él gnü metü sö l’assoziaziun di maestri profescionai de düc i seturs economics. L’iscriziun n’é nia obligatoria.

(2)  I compic dl’assoziaziun di maestri profescionai é:

1. promöie la conservaziun y le svilup dla formaziun de maester profescional;
   
2. promöie y gestí la formaziun profescionala de sü comëmbri;
   
3. renforzé la garanzia de cualité tles profesciuns de sü comëmbri;
   
4. gestí la rapresentanza di interesc profescionai ti seturs desvalis di comëmbri dl’assoziaziun di maestri profescionai;
   
5. informé i comëmbri dl’assoziaziun di maestri profescionai y le publich sön sües ativités y i argomënc che reverda l’ativité profescionala;
   
6. gestí na lista de maestri profescionai y tecnics dl comerz che fej pert de vigni setur economich, olache l'iscriziun vëgn fata sön domanda.
   

(3)  Por se scrí ite mësson:

1. avëi la zitadinanza taliana o la zitadinanza de n ater Stat comëmber dl’Uniun Europeica, avëi le dërt de sojornanza o le dërt de sojornanza permanënta o avëi la zitadinanza de n paîsc terzo cun autorisaziun de sojornanza UE por sojornanzes lunges;  7)
   
2. avëi i dërc zivii;
   
3. avëi le titul de maester artejan/maestra artejana o de maester profescional/maestra profescionala tl setur dla hoteleria o le titul de tecnich/tecnica dl comerz aladô dla normativa provinziala;
   
4. avëi la sënta legala dl’impresa o la residënza tla provinzia de Balsan;
   
5. ne avëi nia condanes por de gragn reac cuntra le stat o reac che danejëia l’afidabilité profescionala sciöche la condana definitiva por reac che reverda la partezipaziun a assoziaziuns criminales, la coruziun, la trapolada, le reziclaje.
   

(4)  A ce dl’assoziaziun di maestri profescionai él n organ colegial de consëi, che tol na dezijiun aladô de so codesc disciplinar, sön l’adejiun de comëmbri nüs y l’esclujiun de comëmbri.  8)

(1)  L'obietif dla formaziun da economist dl artejanat o economista dl artejanat, che integrëia de regola chëra da maester artejan, é chël da renforzè le rode dl imprenditur artejan y da aumentè la competitivité. Por fà chësc val debojëgn de competënzes por na direziun moderna dl'aziënda y dl personal, sciöche inće por le svilup y la venüda di produć.

(2)  I recuisić de amisciun, la dorada, le program didatich y les prozedöres de ejam vëgn aprovà cun decret dl assessur o dl’assessuria che à la competënza por la formaziun da maester, do avëi aldì les propostes dles organisaziuns profescionales che alda laprò plü rapresentatives dla provinzia.

(3)  Che che stlüj jö la formaziun y passa l'ejam ciafa na cualificaziun che l’autorisëia da adorè le titul de "economist dl artejanat" o "economista dl artejanat".

(4)  La repartiziun provinziala competënta por la formaziun profescionala po organisé cursc de preparaziun a chësc ejam o inćiarié les organisaziuns profescionales da mëte a jì döt le curs o modui singui. Por ći che reverda le finanziamënt de chësta formaziun vëgnel apliché les desposiziuns sön l’ajornamënt profescional.

(1)  Por les ativitês artejanales, che po ma gnì eserzitades sce an à passè n ejam y an à na cualificaziun profescionala de basa, mëssel gnì stabilì i profii profescionai che definësc i ćiamps de ativité, sciöche inće les conescënzes y competënzes profescionales che va debojëgn por eserzité l'ativité a regola d’ert.

(2)  L'assessur o l'assessuria por l'artejanat aprovëia i profii profescionai do avëi aldì les organisaziuns profescionales plü rapresentatives dla provinzia. I profii profescionai vëgn publicà tl Boletin Ofizial dla Regiun.

(1)  I imprenditurs artejans che à le diplom de maester artejan o che é scrić ite tla pröma seziun dl rode di artejans cualificà preodü dal articul 30 dla lege provinziala di 16 de forà dl 1981, n. 3, po adorè le titul de maester artejan o maestra artejana y denominé defora süa impresa "impresa de maester artejan".

(2)  Le titul de maester artejan o maestra artejana po ma gnì adorè da che che à le diplom de maester artejan o é scrit ite tla pröma seziun dl rode di artejans cualificà.

(3)  Tl caje de na impresa de maester artejan metüda sö tla forma de sozieté, mëss altamo un n aministradù avëi le titul de maester artejan y i recuisić preodüs dal coma 2. Les impreses de maester artejan po inće se desfarenzié tres contrassëgns de cualité particolars. 10)

(1)  Le setur di auti tol ite chëstes profesciuns:

1. mecatronich/mecatronica d'auto; 11)
   
2. tecnich/tecnica d'auto; 12)
   
3. montlist/montlista.
   

(2)  Pro les reparaziuns de auti toca i laûrs de manutenziun y dortorada, la sostituziun, la mudaziun y la recostituziun de düć i componënć de veicui y de complesc de veicui, cun laprò i motorins, les mascinns agricoles y i remorć omologà por le trasport sön strada de porsones y cosses. Les reparaziuns de auti stlüj ite inće l'istalaziun de implanć y azessurs fisc sön i medemi veicui y sön i complesc de veicui.

(3)  Pro les reparaziuns de auti ne toca indere nia le comerz de auti, le lavè, le fossenè de ćiarburant, la sostituziun dl filter dl'aria y dl öre, la sostituziun dl öre dl motor y dl mecanism, sciöche inće de d’atres sostanzes da unje o licuig da desfridé. Chëstes ativitês vëgn dagnora eserzitades tl respet dles normes sön l'incuinamënt dl’aria y sön le despaltamënt dl ciomënt.

(4)  L'eserzize dles profesciuns dl setur di auti preodüdes dal coma 1 é ma conzedü te fujines adatades cun sënta fissa che vá a öna cun les desposiziuns varëntes te chësc ciamp, dantadöt cun chëres sön la sconanza dl ambiënt y dla sanité, dla segurëza sön strada y dl post de laur, sciöche ince cun les desposiziuns tecniches sön la dërta reparaziun di auti do avëi tigní cunt dles indicaziuns dl costrutur. Chëstes desposiziuns vel ince olache al é conzedü l’eserzize te na forma mobila dl’ativité, sciöche regolamenté surapró dala Junta provinziala. Al é stlüt fora i laurs de manutenziun y reparaziun de mascins agricoles y mascines por le movimënt de tera.    13)

(1)  Le titolar dla impresa, la maioranza di comëmbri tl caje de na sozieté cun inom coletif, la maioranza di comëmbri comanditars tl caje de na sozieté comanditara scëmpla, la maioranza di aministradus tl caje de na sozieté cun responsabilité limitada, la maioranza di aministradus tl caje de consorc y cooperatives - pro dui comëmbri respetivamënter comanditars o aministradus altamo un - mëss gnì indiché sciöche responsabl tecnich tl Register dl comerz y avëi altamo un de chisc recuisić profescionai:

1. diplom de maester artejan por la profesciun che alda laprò, o iscriziun tla pröma seziun dl rode di artejans cualificà preodü dal articul 30 dla lege provinziala di 16 de forà dl 1981, n. 3;
   
2. diplom de fant artejan por la profesciun che alda laprò y, dedô, altamo 18 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 14)
   
3. diplom final de na scora profescionala che döra altamo dui agn cun formaziun teorica y pratica y, dedô altamo 24 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 14)
   
4. diplom de scora alta o laurea te na materia tecnica corespognënta y, dedô, altamo 18 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 14)
   
5. altamo sis agn de esperiënza profescionala tla profesciun che alda laprò te na aziënda dl setur sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar. 14)
   

(1/bis) 15)

(2)  L'azertamënt di recuisć profescionai vëgn fat pro l’ejaminaziun dla domanda de iscriziun dla impresa tl Register dl comerz preodü dal titul I, pert II.

(3) Zënza aziché ci che vëgn stabilí tl articul 8 dla lege provinziala di 20 de merz dl 2006, n. 12, por ciafé l'autorisaziun por tó sö lerneri/lerneres sciöche tecnics/tecniches d'auto, vëgnel damané altamo un de chisc recuisic: 16)

1. diplom de maester artejan sciöche mecanich o mecanica d'auto o sciöche eletrizist o eletrizista d’auto, o l’iscriziun tla pröma seziun dl rode di artejans cualificà preodü dal articul 30 dla lege provinziala di 16 de forà dl 1981, n. 3;
   
2. diplom de fant artejan sciöche mecanich o mecanica d'auto y sciöche eletrizist o eletrizista d'auto;
   
3. diplom de fant artejan sciöche mecanich o mecanica d'auto o sciöche eletrizist o eletrizista d'auto y n'atra formaziun spezifica che se referësc ala profesciun nia ćiamò eserzitada. La Junta provinziala stabilësc cun deliberaziun les materies de insegnamënt y la dorada dla formaziun integrativa;
   
4. iscriziun tl Register dl comerz dla Ćiamena dl comerz sciöche "mecanich d'auto" y sciöche "eletrizist d'auto" canche chësta lege va en forza.
   

(1)  La realisaziun de reparaziuns a sü auti sciöche sorvisc y prestaziun implü dl'aziënda é conzedüda a condiziun che la impresa adores n responsabl tecnich o na responsabla tecnica che à i recuisić profescionai preodüs dal articul 25, coma 1.

(2)  Le proprietar o le patrun de veicui o de complesc de veicui adora por la manutenziun y la reparaziun de chisc impreses che à i recuisić profescionai damanà tl articul 25, coma 1.

(3)  Por realisé les revijiuns periodiches di veicui vëgnel damané l'iscriziun tl Register dl comerz sciöche “mecatronich/mecatronica d'auto y montlist/montlista” y sciöche “tecnich carozier/tecnica caroziera”. I ispeturs y les ispeturies autorisá mëss ademplí i recuisic minimai de competënza y formaziun preodüs dal’injunta IV dl decret dl Ministere dles Infrastrotöres y di trasporc di 19 de ma dl 2017, y mudaziuns suandëntes, sciöche ince i recuisic preodüs dal decret legislatif di 30 d’aurí dl 1992, n. 285, y mudaziuns suandëntes, dal decret dl Presidënt dla Republica di 16 de dezëmber dl 1992, n. 495, y mudaziuns suandëntes, y dal’acordanza stlüta jö tla Conferënza permanënta por i raporc danter Stat, les Regiuns y les Provinzies autonomes de Trënt y Balsan di 17 d’aurí dl 2019. I ispeturs y les ispeturies bele autorisá o cun l’abilitaziun ai 20 de ma dl 2018 n’á nia bria da ademplí i recuisic preodüs dal’injunta IV, punt 1 dl decret dl Ministere dles infrastrotöres y di trasporc di 19 de ma dl 2017.   17)

(1)  Les desposiziuns de chësta pert vëgn aplicades a chisc implanć por frabicać, anfat por ći che ai vëgn adorà:

1. implanć de produziun, trasformaziun, trasport, destribuziun, adoranza dl'energia eletrica, implanć de sconanza cuntra les desćiaries atmosferiches, sciöche inće implanć por l'automatisaziun de portes, pontarines y barieres;
   
2. implanć radiotelevisifs, antënes y implanć eletronics en general;
   
3. implanć da scialdè, por l’aria condizionada y de desfridamënt de vigni sort, cun laprò i implanć de ariaziun y de aspiraziun por gasc de combustiun y föms, implanć de ventilaziun y aeraziun di locai, sciöche inće furns y ćiamins,
   
4. implanć idrics y sanitars de de vigni sort;
   
5. implanć por la destribuziun y l’adoranza de gas de vigni sort, cun laprò i implanć de ariaziun y de aspiraziun por gasc de combustiun, sciöche inće implanć de ventilaziun y aeraziun di locai;
   
6. implanć de trasport de porsones o cosses sciöche lifć, lifć da material, stighes mecaniches o valch da insciö;
   
7. implanć cuntra le medefüch.
   

(2)  Sce l’implant é colié a rëis de destribuziun vëgn les desposiziuns de chësta pert aplicades pian ia dal momënt dla fornidöra. 18)

(1)  Le setur di implanć tol ite chëstes profesciuns:

1. eletrotecnich/eletrotecnica;
   
2. eletromecanich/eletromecanica;
   
3. eletronich de implanć/eletronica de implanć;
   
4. tecnich dla comunicaziun/tecnica dla comunicaziun;
   
5. tecnich/tecnica de implanc termosanitars y de ventilaziun;  19)
   
6. tecnich de implanć de combustiun/ tecnica de implanć de combustiun;
   
7. tecnich de implanć de desfridamënt/tecnica de implanć de desfridamënt;
   
8. tecnich de lifć/tecnica de lifć;
   
9. istaladù de paratarlis/istaladëssa de paratarlis;
   
10. mogunà/mogunara
    
11. scoaćiamin;
    
12. 20)
    
13. d’atres ativitês somiëntes che à sciöche oget l'istalaziun, la converjiun y le renforzamënt, sciöche inće la manutenziun di implanć preodüs dal articul 27. 21)
    

(2)  La Junta provinziala stabilësc, do avëi aldì les organisaziuns profescionales plü rapresentatives dla provinzia, i criters por atribuì i implanć desvalis preodüs dal articul 27 pro les profesciuns desvalies tl setur de istalaziun. Por dè jö l’arat dles organisaziuns profescionales plü rapresentatives dla provinzia él odü danfora n terminn de 90 dis dala domanda; sce l’arat ne vëgn nia dè jö denant che le terminn tomes van inant zënza.

(1)  Le titolar dla impresa, la maioranza di comëmbri tl caje de na sozieté cun inom coletif, la maioranza di comëmbri comanditars tl caje de na sozieté comanditara scëmpla, la maioranza di aministradus tl caje de na sozieté cun responsabilité limitada, la maioranza di aministradus tl caje de consorc y cooperatives - pro dui comëmbri respetivamënter comanditars o aministradus altamo un - mëss gnì indiché sciöche responsabl tecnich tl Register dl comerz y avëi altamo un de chisc recuisić profescionai:

1. diplom de maester artejan tla profesciun che alda laprò, o iscriziun tla pröma seziun dl rode di artejans cualificà preodü dal articul 30 dla lege provinziala di 16 de forà dl 1981, n. 3;
   
2. diplom de fant artejan por la profesciun che alda laprò y, dedô, altamo 18 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 22)
   
3. diplom final de na scora profescionala che döra altamo dui agn cun na formaziun teorica y pratica y, dedô altamo 24 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 22)
   
4. diplom de scora alta o laurea te na materia tecnica corespognënta y, dedô, altamo 18 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 22)
   
5. altamo sis agn de esperiënza profescionala tla profesciun che alda laprò te na aziënda dl setur sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar. 22)
   

(1/bis)   23)

(2)  L'azertamënt di recuisić profescionai vëgn fat pro l’ejaminaziun dla domanda de iscriziun dla impresa tl Register dl comerz preodü dal titul I, pert II. Tl’iscriziun mëssel gnì dè dant i implanć preodüs dal articul 27, por chi che la impresa é abilitada.

(3)  Le comitënt o le proprietar é oblié da inćiarié impreses abilitades aladô dl coma 1 por i laûrs de istalaziun, trasformaziun, ampliamënt sciöche inće de manutenziun di implanć.

(4)  Por eserzité la profesciun de scoaciamin mësson desmostré d'avëi un di recuisic profescionai preodüs dal coma 1, sciöche ince avëi frecuenté cun suzes le curs de preparaziun sön i implanc termics y les emisciuns tl'atmosfera. 24)

(1)  Le setur dl'igiena y dl'estetica tol ite chëstes profesciuns:

1. estetist/estetista;
   
2. cosmeticher/cosmetichera;
   
3. frisêr/friseria;
   
4. tecnich dai dënz/tecnica dai dënz;
   
5. carigà ortopedich/carigara ortopedica;
   
6. mecanich ortopedich/mecanica ortopedica;
   
7. otich dai edli/otica dai edli,
   
8. designer dles aundles.27)
   

(1)  Le titolar dla impresa, la maioranza di comëmbri tl caje de na sozieté cun inom coletif, la maioranza di comëmbri comanditars tl caje de na sozieté comanditara scëmpla, la maioranza di aministradus tl caje de na sozieté cun responsabilité limitada, la maioranza di aministradus tl caje de consorc y cooperatives - pro dui comëmbri respetivamënter comanditars o aministradus altamo un - mëss gnì indiché sciöche responsabl tecnich tl Register dl comerz y avëi altamo un de chisc recuisić profescionai:

1. diplom de maester artejan tla profesciun che alda laprò, o iscriziun tla pröma seziun dl rode di artejans cualificà preodü dal articul 30 dla lege provinziala di 16 de forà dl 1981, n. 3;
   
2. diplom de fant artejan por la profesciun che alda laprò y, dedô, altamo 18 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 29)
   
3. diplom final de na scora profescionala de altamo dui agn cun na formaziun teorica y pratica y, dedô altamo 24 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 29)
   
4. diplom de scora alta o laurea te na materia tecnica corespognënta y, dedô, altamo 18 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 29)
   
5. altamo sis agn de esperiënza profescionala tla profesciun che alda laprò te na aziënda dl setur sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar. 29)
   

(1/bis) Por l’ativité preodüda dal articul 31, coma 1, lëtra h) mëssel gnì dè dant le titolar dl'impresa, la maioranza di sozi tl caje de na sozieté a inom coletif, la maioranza di sozi complementars tl caje de na sozieté comanditara, la maioranza di aministradus tl caje de na sozieté cun responsabilité limitada, de consorć y cooperatives – pro dui sozi o acomandatars o aministradus altamo un – sciöche responsabl tecnich tl Register dles impreses y avëi un di recuisić profescionai preodüs dal articul 32, coma 1, lëtra da a) a d), o de altamo un de chisc recuisić profescionai:

1. 30)
   
2. altamo n ann de esperiënza profescionala tl ciamp dl’estetica, dla cosmetica o dl design dles audles sciöche laurant cualifiché/lauranta cualificada, sciöche familiar che laora para, sciöche porsona assoziada che laora para o sciöche titolar/titolara. Les conescënzes y abilités acuisides te chësc tëmp vëgn verificades cun n ejam de idoneité. Les modalités de sciöche al vëgn tigní l'ejam y la composiziun dla comisciun d'ejam vëgn stabilides cun decret dl diretur/dla direturia dla repartiziun provinziala competënta.  31) 32)
   

(2)  Les ativitês de estetist o estetista y de cosmeticher o cosmetichera po gnì eserzitades tres tecniches manuales y cun l'adoranza de aparać eletromecanics por tratamënć cosmetics. Chisc aparać vëgn stabilis cun le regolamënt de esecuziun de chësta lege.

(3)  Les prestaziuns che à diretamënter y estlusivamënter n fin terapeutich é stlütes fora dal’ativité de estetist o estetista.

(4)  L’eserzize ma de na sauna o de n solarium ne alda nia pro l’ativité artejanala de estetist o estetista. L’eserzize de n solariums é sotmetü ales desposiziuns dl decret dl presidënt dla Provinzia di 28 d’otober dl 2010, n. 41. Por l’eserzize de na sauna ne val debojëgn de degügn recuisić profescionai. 33)

(5) 34)

(6) 34)

(7)  Le frisêr o la friseria po, tl eserzize de süa profesciun artejanala, inće fà ativitês scëmples de manicure y pedicure y tratamënć cosmetics scëmpli por la pel dl müs.

(8)  Por aziëndes dl setur mìnon les aziëndes che eserzitëia sües ativitês tl setur dl'igiena y dl'estetica y chëres che ti pîta a süa tlientela ativitês y sorvisc tl ćiamp dla cura dla sanité y dl corp; la condiziun é che l'esperiënza profescionala sides gnüda arjunta sot al control de na porsona che à i recuisić profescionai.

(9)  La denominaziun "scora de cosmetica" o denominaziuns somiëntes po ma gnì adorades por indiché istituć de formaziun tl setur dl’igiena y dl’estetica, sce al vëgn respetè i recuisić minimai da determiné cun le regolamënt de esecuziun de chësta lege.

(10)  Les impreses artejanales cun ativitês preodüdes da chësc articul po mëte man süa ativité, do che ares ti à comuniché le scomenciamënt dl’ativité al comun competënt a livel teritorial.

(11)  L'eserzize dl'ativité de wellnesstrainer aladô dl articul 53/decies dla lege provinziala di 14 de dezëmber dl 1988, n. 58, y mudaziuns suandëntes, é ma conzedü te eserzizi de alberch y strotöres privates o publiches por le wellness y por nodè, y ma por sü ghesć. Cun regolamënt de esecuziun vëgnel delimité les competënzes profescionales de estetist o estetista, cosmeticher o cosmetichera y wellnesstrainer.

(12)  Les ativitês de estetist o estetista, cosmeticher o cosmetichera y frisêr o friseria vëgn eserzitades tla sënta dl’aziënda dla porsona che à i recuisić profescionai.

(13) 35)

(14)  Les ativités de estetist o estetista y de friser o friseria pó gní eserzitades ince te hotí y strotöres de alberch, mo ma por i ghësć de ciasa. Al vá a vigni moda debojëgn da lascé alsavëi la sënta dl'aziënda da pert de che che pîta le sorvisc.  36)

(15)  Tl caje de maratia, de handicap fisich o mental, de sanité dezipada o de d’atres situaziuns forzades somiëntes, po les ativitês gnì eserzitades tl domizil o tl post stabilì dal comitënt.

(16)  Les ativitês ne po nia gnì eserzitades te na forma ambulanta o te plazes da parchè.

(1)  Le titolar dla impresa, la maioranza di comëmbri tl caje de na sozieté cun inom coletif, la maioranza di comëmbri comanditars tl caje de na sozieté comanditara scëmpla, la maioranza di aministradus tl caje de na sozieté cun responsabilité limitada, la maioranza di aministradus tl caje de consorc y cooperatives - pro dui comëmbri respetivamënter comanditars o aministradus altamo un - mëss gnì indiché sciöche responsabl tecnich tl Register dl comerz y avëi le diplom de n istitut tecnich reconesciü dales normes statales varëntes te chësc ćiamp.

(1)  Le titolar dla impresa, la maioranza di comëmbri tl caje de na sozieté cun inom coletif, la maioranza di comëmbri comanditars tl caje de na sozieté comanditara scëmpla, la maioranza di aministradus tl caje de na sozieté cun responsabilité limitada, la maioranza di aministradus tl caje de consorc y cooperatives - pro dui comëmbri respetivamënter comanditars o aministradus altamo un - mëss gnì indiché sciöche responsabl tecnich tl Register dl comerz y avëi l'abilitaziun por eserzité la profesciun sanitara ausiliara de otich dai edli o otica dai edli, arjunta cun le titul de stüde reconesciü dales normes statales varëntes te chësc ćiamp.

(2)  Te vigni eserzize mëssel ester n otich dai edli o na otica dai edli che à l'abilitaziun preodüda dal coma 1.

(1)  Le titolar dla impresa, la maioranza di comëmbri tl caje de na sozieté cun inom coletif, la maioranza di comëmbri comanditars tl caje de na sozieté comanditara scëmpla, la maioranza di aministradus tl caje de na sozieté cun responsabilité limitada, la maioranza di aministradus tl caje de consorc y cooperatives - pro dui comëmbri respetivamënter comanditars o aministradus altamo un - mëss gnì indiché sciöche responsabl tecnich tl Register dl comerz y avëi altamo un de chisc recuisić profescionai:

1. diplom de maester artejan;
   
2. diplom de n istitut tecnich reconesciü dal Stat aladô dles normes varëntes te chësc ćiamp.
   

(1) L'azertamënt di recuisić profescionai por les ativitês preodüdes dal articul 31, coma 1, lëtres a), b), c) y h), vëgn fat pro l’ejaminaziun dla comunicaziun de scomenciamënt dl’ativité da pert dl comun competënt a livel teritorial. 37)

(2)  L'azertamënt di recuisić profescionai por les ativitês preodüdes dal articul 31, coma 1, lëtres d), e), f) y g), vëgn fat pro l’ejaminaziun dla domanda de iscriziun dla impresa tl Register dl comerz preodü dal titul I, pert II.

(3)  I recuisić profescionai vëgn damanà te vigni caje, bel anfat sce les ativitês vëgn eserzitades te n post publich o privat, a paiamënt o debann.

(1)  Le setur alimentar tol ite chëstes profesciuns:

1. pech/peca;
   
2. conditur/condituria;
   
3. bocà/bocara;
   
4. espert dla lauraziun dl lat/ esperta dla lauraziun dl lat
   
5. morinà/morinara;
   
6. produtur de dlacins/produturia de dlacins.
   

(1)  Le titolar dla impresa, la maioranza di comëmbri tl caje de na sozieté cun inom coletif, la maioranza di comëmbri comanditars tl caje de na sozieté comanditara scëmpla, la maioranza di aministradus tl caje de na sozieté cun responsabilité limitada, la maioranza di aministradus tl caje de consorc y cooperatives - pro dui comëmbri respetivamënter comanditars o aministradus altamo un - mëss gnì indiché sciöche responsabl tecnich tl Register dl comerz y avëi altamo un de chisc recuisić profescionai:

1. diplom de maester artejan tla profesciun che alda laprò, o iscriziun tla pröma seziun dl rode di artejans cualificà preodü dal articul 30 dla lege provinziala di 16 de forà dl 1981, n. 3;
   
2. diplom de fant artejan por la profesciun che alda laprò y, dedô, altamo 18 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 38)
   
3. diplom final de na scora profescionala de altamo dui agn cun formaziun teorich-pratica y, dedô altamo 24 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 38)
   
4. diplom de scora alta o laurea te na materia tecnica corespognënta y, dedô, altamo 18 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur; 38)
   
5. altamo sis agn de esperiënza profescionala tla profesciun che alda laprò te na aziënda dl setur sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar. 38)
   

(1/bis) Por eserzité l'ativité preodüda dal articul 37, coma 1, lëtra f) ól ester, sciöche recuisit profescional surapró, n'esperiënza profescionala de altamo 12 mëisc sciöche laurant cualifiché/lauranta cualificada, sciöche familiar che laora para, sciöche porsona assoziada che laora para o sciöche titolar/titolara. Les conescënzes y abilités acuisides te chësc tëmp vëgn verificades cun n ejam de idoneité. Les modalités de sciöche al vëgn tigní l'ejam y la composiziun dla comisciun d'ejam vëgn stabilides cun decret dl diretur/dla direturia dla repartiziun provinziala competënta.   39)

(2)  L'azertamënt di recuisić profescionai vëgn fat pro l’ejaminaziun dla domanda de iscriziun dla impresa tl Register dl comerz preodüda dal titul I, pert II.

(1)  L'ativité dles furnaries tol ite la produziun y la venüda de pan, produć de furn, pastes y produć mezrovà metüs al frësch o dlacià ite tla medema aziënda.

(2) 40)

(3)  Cun regolamënt de esecuziun vëgnel stabilì, do che al é gnü aldì les organisaziuns di peć y di consumadus plü rapresentatives dla provinzia, i recuisić por l'adoranza dla denominaziun de "furnaria", sciöche inće les definiziuns de "pan frësch" y "pan conservè". 41)

(1)  42)

(2)  Ma les impreses artejanales che dà fora y vënn dantadöt produć de conditoria de süa produziun po surantó la denominaziun de "conditoria”.

(1)  Vigni patrun de n frabicat, afitadin o aministradù é oblié da lascè puzenè y controlè regolarmënter i implanć de combustiun da na impresa de scoaćiamin abilitada.

(2)  I comuns partësc sö so teritore te raiuns y nominëia por vigni raiun na impresa de scoaćiamin abilitada. La conzesciun che alda laprò vëgn assegnada tres bandida de concurs publich.

(3)  Impede la impresa da scoaćiamin nominada dal comun pol inće gnì inćiarié n’atra impresa da scoaćiamin abilitada por puzenè y controlè regolarmënter i implanć de combustiun.

(4)  La cerna de n'atra impresa de scoaćiamin abilitada mëss gnì lasciada alsavëi dal proprietar dl frabicat, dal afitadin o dal aministradù tan bëgn ala impresa da denant co al'aministraziun comunala. 43)

(5)  La impresa de scoaćiamin y sü dependënć po rové pormez liberamënter ai terac y ai frabicać por puzenè y controlè i implanć de combustiun.

(6)  Do che al é gnü aldì le Consëi di comuns, l'Agënzia provinziala por l'ambiënt, la Zentrala Consumadus de Südtirol, les organisaziuns profescionales plü rapresentatives dla provinzia, sciöche inće les repartiziuns provinziales por la formaziun profescionala, vëgnel stabilì cun regolamënt de esecuziun chisc aspeć:

1. 44)
   
2. la dimenjiun di raiuns;
   
3. i criters prinzipai y les modalitês de apalt por la nominaziun dla impresa de scoaćiamin;
   
4. les desposiziuns menüdes sön le sorvisc de scoaćiamin;
   
5. i implanć de combustiun;
   
6. i terminns por puzenè;
   
7. les tarifes.
   

(1) Le titolar dl’impresa, la maioranza di comëmbri tl caje de na sozieté cun inom coletif, la maioranza di comëmbri comanditars tl caje de na sozieté comanditara scëmpla, la maioranza di aministradus tl caje de na sozieté cun responsabilité limitada, la maioranza di aministradus tl caje de consorc y cooperatives - pro dui comëmbri respetivamënter comanditars o aministradus altamo un - mëss gní indiché sciöche responsabl tecnich tl Register dl comerz y avëi altamo un de chisc recuisic profescionai:

1. diplom de maester artejan por na certa profesciun;
   
2. diplom de fant artejan por la profesciun che alda lapró y, dedô, altamo 18 mëisc de esperiënza profescionala sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar te na aziënda dl setur;
   
3. diplom final de na scora profescionala de altamo dui agn cun formaziun teorica y pratica;
   
4. diplom de scora alta o laurea te na materia tecnica che ti corespogn;
   
5. altamo sis agn de esperiënza profescionala tla profesciun che alda lapró te n’aziënda dl setur sciöche laurant spezialisé o lauranta spezialisada, sciöche componënt dla familia che colaborëia, sciöche comëmber che colaborëia o sciöche titolar,
   
6. iscriziun tl register profescional por jardiniers preodü dala lege di 4 de dezëmber dl 1986, n. 31, y mudaziuns suandëntes;
   
7. iscriziun tl Register ofizial di produturs preodü dal articul 20, coma 1, lëtra a) y c), dl decret legislatif di 19 d'agost dl 2005, n. 214, y mudaziuns suandëntes;
   
8. atestat d'idoneité che azertëia le posses de competënzes adatades aladô dl percurs formatif preodü dal’Acordanza Conferënza Stat-Regiuns di 22 de forá dl 2018, y mudaziuns suandëntes;
   
9. al vel ince por l’iscriziun tl Register dles impreses les cualificaziuns profescionales tl’Acordanza preodüda dala lëtra g).
   

(2) Cun deliberaziun dla junta provinziala vëgnel definí i caji d'esenziun.

(3) L'azertamënt di recuisic profescionai vëgn fat pro l’ejaminaziun dla domanda de iscriziun dl'impresa tl Register dl comerz. 45)

(1) L’ativité profescionala de lavanderia é l’ativité de n’impresa che se crüzia da lavé, dla netijia chimica a sech y a mol, da intënje, da tó demez les maces, da sferié fora, da folé y tratamënc anfat, de guanc y azessurs, de coran y coran sintetich, de pelicia naturala y sintetica, de blanciaria y pezes por la ciasa por n'adoranza industriala, comerziala o sanitara, de tapec, tapezeria y revestimënc por l'aredamënt y de ogec d’adoranza, sciöche ince articui de peza y produc de de vigni sort de fira.

(2) Le titolar dl'impresa, la maioranza di comëmbri tl caje de na sozieté cun inom coletif, la maioranza di comëmbri comandatars tl caje de na sozieté comandatara scëmpla, la maioranza di aministradus tl caje de na sozieté cun responsabilité limitada, la maioranza di aministradus tl caje de consorc y cooperatives - pro dui comëmbri respetivamënter comandatars o aministradus altamo un - mëss gní indiché sciöche responsabl tecnich tl Register dl comerz y avëi altamo un de chisc recuisic profescionai:

1. frecuënza de cursc de cualificaziun tecnich-profescionala dla dorada de altamo 250 ores indöt da fá tl tëmp de n ann;  47)
   
2. atestat de cualificaziun che reverda l’ativité, arjunt aladô dla legislaziun varënta en materia de formaziun profescionala, cun lapró n tëmp de inserimënt dla dorada de altamo n ann pro les impreses dl setur, da fá tl tëmp de trëi agn dal arjunjimënt dl atestat;
   
3. diplom de maturité tecnica o profescionala o de livel post-secundar alt o universitar, te materies che reverda l’ativité;
   
4. tëmp de inserimënt pro impreses dl setur de altamo:
   
   1. un n ann do avëi stlüt jö le lernat dla dorada preodüda dal contrat coletif;
      
   2. dui agn sciöche titolar, soze che laora para o colaboradú familiar che laora para;
      
   3. trëi agn, ince nia indolater mo a vigni moda tl tëmp de cin agn, ti caji d'ativité de laur subordinada;
      
5. posses di recuisic aladô dl articul 6-bis dla lege provinziala di 12 de novëmber dl 1992, n. 40, y mudaziuns suandëntes, y dles desposiziuns d’atuaziun che alda lapró.
   

(3) Le tëmp de inserimënt preodü dales lëtres b) y d) dl coma 2 fej fora le desfiramënt de n’ativité de laur cualificada tresfora pro impreses abilitades dl setur.

(4) Les ativités profescionales de lavandaria ne pó nia gní eserzitades te na forma ambulanta o te plazes da parché.

(5) I recuisic profescionai vëgn azertá canche al vëgn ejaminé la domanda d’iscriziun dl'impresa tl Register dl comerz. 46)

(1) L’eserzize dl’ativité de lavanderia é sotmetü ala presentaziun, por via telematica, dla segnalaziun zertificada de scomenciamënt d'ativité (SCIA) pro la portina unica por les ativités produtives (SUAP) dl comun olache an laora. 46)

(1) Aladô dl articul 79 dl decret legislatif di 26 de merz dl 2010, n. 59, y mudaziuns suandëntes vëgn les desposiziuns de chësta seziun, ater co chëres che reverda le dovëi de designaziun dl responsabl tecnich, aplicades ince al’ativité d'imprëst de mascins da lavé y assuié profescionales ma adorá dala clientela do avëi cumpré les monedes di automac de barat o de mesi somiënc daite dal eserzize. 46)

(1)  Les prescriziuns suraprò por l'atuaziun dl titul II vëgn stabilides cun regolamënt de esecuziun.

(2)  Les desposiziuns preodüdes dal titul II vëgn inće aplicades sce les ativitês che alda laprò vëgn eserzitades da impreses industriales o de sorvisc. Te chësc caje po i recuisić profescionai che alda laprò gnì desmostrà inće dai dependënć dla impresa.

(2/bis)  Les desposiziuns preodüdes dal titul II, seziun V/bis vëgn ince aplicades sce les ativités che alda lapró vëgn eserzitades da impreses agricoles.  48)

(2/ter) L'esperiënza profescionala preodüda dal titul II é minada sciöche esperiënza de laur fata a tëmp plëgn.  49)

(3)  Zënza tochè les desposiziuns preodüdes dal titul II de chësta lege y a öna cun i articui da 43 a 55 dl Contrat CE y les diretives 2005/36/CE y 2006/123/CE, é l’eserzize autonom dles ativitês artejanales che é tla lista dles profesciuns sotmetüdes al lernerat dla provinzia de Balsan, lié ala desmostraziun di recuisić profescionai stabilis cun regolamënt de esecuziun. Por l’eserzize autonom de ativitês artejanales che ne n’é nia tla lista dla provinzia de Balsan dles profesciuns sotmetüdes a lernerat po la Junta provinziala, a öna cun les normes dl’UE dades dant dessura y do avëi aldì les organisaziuns profescionales plü rapresentatives dla provinzia, scrì dant na esperiënza profescionala tla materia de altamo dui agn.

(4)  I programs dl ejam de maester artejan por sigać y carigas mëss preodëi conescënzes profescionales che garantësc la produziun a regola d'ert de lignan da costruziun, dantadöt chëres che abilitëia al adempimënt dles funziuns de diretur tecnich preodü dal decret ministerial di 14 de setëmber dl 2005. Le diplom de maester artejan che alda laprò sostituësc l'atestat de cualificaziun odü danfora dal decret nominé.

(5)  Les competënzes dl tecnich abilité preodüdes dal articul 1, coma 348, lëtra a), dla lege di 27 de dezëmber dl 2006, n. 296, cun laprò la responsabilité zivila y penala corespognënta, po - limité ales ativitês che alda pro le ćiamp de sües competënzes aladô dl profil profescional - gnì eserzitades inće da che che à stlüt jö cun n resultat positif la formaziun dada dant tl articul 12 de chësta lege. Chësc vel a condiziun che la Junta provinziala - do avëi aldì les organisaziuns profescionales plü rapresentatives dla provinzia - ais stabilì les profesciuns artejanales te chësc ćiamp, sciöche inće l'atribuziun di investimënć energetics desvalis por les profesciuns che alda laprò.

(6)  Les impreses artejanales che é scrites ite por l’eserzize de na certa ativité tl Register dl comerz de n'atra regiun taliana o dla provinzia de Trënt y che ponsa da se lascè jö cun la medema ativité tla provinzia de Balsan vëgn scrites ite tl Register dl comerz dla Ćiamena dl comerz de Balsan sön la basa de süa iscriziun tl Register dl comerz dla regiun o dla provinzia de provegnënza. Le medemo vel por les abilitaziuns dl eserzize autonom dl’ativité conzedüdes dales autoritês competëntes tles atres regiuns talianes. 50)

(7)  I zitadins de n Stat comëmber dl'Uniun europeica che ponsa da eserzité na ativité artejanala o se lascè jö cun na ativité artejanala tla provinzia de Balsan depenn dala diretiva 2005/36/CE y dales normes de aplicaziun che alda laprò por l’eserzize dles ativitês respetivamënter por l'iscriziun tl Register dl comerz.

(8)  La contlujiun dla formaziun de maester artejan aladô dl titul I, pert IV, abilitëia i slosseri y feurs scrić ite tl Register dl comerz da eserzité la funziun diretur tecnich y coordinadù da bolì, aladô dla lege di 5 de novëmber dl 1971, n. 1086 y dla lege di 2 de forà dl 1974, n. 64 – surantutes tl decret dl Presidënt dla Republica di 6 de jügn dl 2001, n. 380 – sciöche inće aladô dl articul 5 dl decret-lege di 28 de mà dl 2004, n. 136, convertì dala lege di 27 de messè dl 2004, n. 186. 51)

(9)  Sce al é preodü tles normes dl’Uniun europeica o statales che por eserzité certes ativitês o por adorè certes materies prömes o cer materiai, val debojëgn de recuisić particolars o standarg spezifics, po chëstes desposiziuns gnì atuades cun deliberaziun dla Junta provinziala, da publiché tl Boletin Ofizial dla Regiun. 51)

(10)  La contlujiun dla formaziun de maester artejan aladô dl titul I, pert IV, abilitëia i maestri artejans scrić ite tl Register dl comerz da eserzité la funziun de diretur tecnich aladô di articui 87 y 248 dl decret dl Presidënt dla Republica di 5 d’otober dl 2010, n. 207. 51)

(11)  Les porsones che à le diplom da maester artejan, aladô dl titul I, pert IV, por les profesciuns dl setur dl frabiché y dles istalaziuns, che vëgn stabilides cun deliberaziun dla Junta provinziala, po dè fora zertificaziuns sön l’efiziënza energetica complessiva di frabicać, preodüdes dala diretiva 2002/91/CE dl Parlamënt europeich y dl Consëi di 16 de dezëmber dl 2002 sön l’efiziënza energetica complessiva di frabicać. 51)

(1)  I cursc che vëgn fac aladô dl'acordanza Stat Regiuns di 12 de messé dl 2018 vëgn reconesciüs sciöche recuisit profescional aladô dl articul 25, coma 1 sce les conescënzes arjuntes tratan le curs vëgn integrades da n ann de practicum a tëmp plëgn te n'aziënda dl setur y le damanant passa spo inultima da n ejam sön les conescënzes y les competënzes arjuntes tratan le curs y le practicum. I contignüs che mëss gní insigná tratan l'ann de practicum, la composiziun dla comisciun d'ejam, les modalités y i contignüs dl ejam vëgn definis tres decret dl diretur dla repartiziun provinziala competënta, che mëss gní emané tl tëmp de n ann dala jüda en forza de chësta desposiziun.  52)

(2)  Por conzede na planificaziun adatada di percursc de abilitaziun, ne n'á les porsones, che á stlüt jö cina ai 31 de dezëmber dl 2022 n curs aladô dl'acordanza Stat-Regiuns di 12 de messé dl 2018, nia bria da integré les conescënzes acuisides cun l'ann de practicum, le pröm iade che al vëgn apliché le coma 1. 53)

(1)  Al vëgn straufè cun na sanziun aministrativa de scioldi da 300 euro a 1.800 euro che che:

1. lascia alsavëi le scomenciamënt dl’ativité pro la Ćiamena dl comerz passa 60 dis do la tomanza dl terminn scrit dant; 54)
   
2. lascia alsavëi massa tert o ne lascia nia alsavëi les mudaziuns che reverda l'iscriziun dla impresa tl Register dl comerz o la straihada dla impresa dal Register dl comerz;
   
3. fej detlaraziuns falzes pro la comunicaziun dl scomenciamënt dl’ativité imprenditoriala, la mudaziun dl'iscriziun tl Register dl comerz o la straihada dal Register dl comerz;
   
4. ne se tëgn nia ales desposiziuns emanades en atuaziun dl articul 41, coma 6 sön le sorvisc de scoaciamin;  55)
   
5. ne se tëgn nia ales desposiziuns preodüdes dal titul II, pert II, dl decret dl Presidënt dla Provinzia di 19 de mà dl 2009, n. 27. 56)
   

(2)  Al vëgn straufè cun na sanziun aministrativa de scioldi da 1.000 euro a 6.000 euro:

1. les impreses che definësc y vënn sü produć y sorvisc sciöche produć y sorvisc artejanai zënza ester scrites ite tl Register dl comerz sciöche impreses artejanales;
   
2. les impreses che adora na rajun soziala, na denominaziun dl’ativité o na merscia che se referësc a na ativité artejanala zënza ester scrites ite tl Register dl comerz sciöche impreses artejanales;
   
3. les impreses scrites ite tl Register dl comerz cun na certa ativité, che adora inće denominaziuns che indichëia ativitês artejanales che ne corespogn nia a chëres dades dant pro l’iscriziun;
   
4. che che adora mal le titul de "maester artejan" o "maestra artejana" o la denominaziun de "impresa de maester artejan" zënza avëi le diplom de maester artejan o l'iscriziun tla pröma seziun dl rode di artejans cualificà preodü dal articul 30 dla lege provinziala di 16 de forà dl 1981, n. 3;
   
5. che che violëia les desposiziuns preodüdes dai articui 39 y 40;
   
6. che che ne se tëgn nia ales desposiziuns odüdes danfora dai articui 10 y 11; 57)
   
7. che che eserzitëia les ativitês preodüdes dal titul II a na moda ambulanta o zënza avëi a desposiziun locai adatà aladô dla lege. 58)
   

(3)  Al vëgn straufè cun na sanziun aministrativa de scioldi da 2.500 euro a 15.000 euro: 59)

1. che che eserzitëia na ativité artejanala zënza iscriziun tl Register dl comerz. L’ombolt o l’ombolta desponn atira la sospenjiun dl eserzize;
   
2. che che eserzitëia na ativité artejanala zënza i recuisić profescionai nezesciars, inće sce i recuisić por eserzité na ativité somiënta é dan man. L’ombolt o l’ombolta desponn la secuestraziun dles massaries y di injins tecnics adorà por l'eserzize dl'ativité nia conzedüda;
   
3. che che adora la denominaziun "scora de cosmetica" o val de somiënt, cun referimënt a istituć de formaziun tl setur dl’igiena y dl'estetica, zënza avëi i recuisić che alda laprò;
   
4. les impreses che ne garantësc nia la presënza de n responsabl tecnich o na responsabla tecnica. 60)
   

(4)  La competënza por l'aplicaziun dles sanziuns preodüdes dal coma 1, lëtra a), b) y c) ti vëgn surandada ala Ćiamena dl comerz, a chëra che al ti röia les entrades corespognëntes. L'autorité competënta por les atres violaziuns preodüdes da chësc articul é l’ombolt o l’ombolta dl comun olache les violaziuns é gnüdes cometüdes. Les somes scodides vëgn trates ite dal comun.

(5)  Por l'azertamënt dles violaziuns y l'aplicaziun dles sanziuns aministratives vëgnel apliché les desposiziuns dla lege provinziala di 7 de jenà dl 1977, n. 9, y mudaziuns suandëntes.

(1)  I funzionars dla Ćiamena dl comerz, di comuns y dla Repartiziun provinziala Artejanat, Industria y Comerz é autorisà, canche ai eserzitëia sües funziuns de control, da rové pormez a proprietês publiches y privates sce al va debojëgn.