d) Lege Provinziala di 12 de jügn dl 2006, n. 51)
Onoranzes por miric a bëgn dla Provinzia autonoma de Balsan

(1) La Junta provinziala pó ti surandé a porsones che ne á nia la residënza tla Provinzia autonoma de Balsan onoranzes por miric straordinars a bëgn dla Provinzia.

(2) Tres l’onoranza vëgnel rengrazié y dé n sëgn tler de reconescënza. Al pó gní onoré miric particolars arjunc tl ciamp scientifich, economich, artistich, cultural, figuratif, sportif, sciöche ince l’engajamënt por fins soziai, umanitars y ambientai.

(3) Al pó gní surandé chëstes onoranzes:

1. Gran onoranza de mirit dla Provinzia autonoma de Balsan
   
2. Onoranza de mirit dla Provinzia autonoma de Balsan
   

(4) Les carateristiches de vigni onoranza de mirit y les diretives por la surandada vëgn scrites dant dala Junta provinziala.