(1) Tl respet di prinzips de chësta lege possa la Jonta provinziela stipulé acurdanzes de program aposta cun ënc, firmes y asssoziazions de categoria, cun l fin de atué planns spezifics de setor per l smendrimënt, la recupereda y l'otimisazion dla lutreies de desćëria de refudam. A chësc fin possa l’acurdanzes de program udëi danora alesiramënc che stabilësc la sortes y la cuantiteies de refudam y la cundizions aldò de chëles che l’atività de recupereda dl refudam ie delideda dal'autorisazion. L’acurdanzes fissa oradechël nce la modaliteies y i ademplimënc aministratifs per l’abineda, per l amudlamënt y per l trasport dl refudam, per si cumerzialisazion, per i cuntroi dla carateristiches y la metodes de proa curespundëntes, per la carateristiches dla materies primes y segonderes, di combustibli o di prudoc davaniei dainora, coche nce la modaliteies per seguré te uni cajo che chen posse ti jì ala fusties de si derivazion nchin pra la ntreda tl mplant dl’adurvanza efetiva.