(1) A cundizion che l vënie respetà la normes tecniches y la prescrizions spezifiches adotedes aldò dl articul 5, coma 1, y dl articul 6, vën l’ativiteies d’autosmaltimënt y de recupereda dl refudam autorisedes dal’Agenzia provinziela. L’autorisazion muessa unì renuveda uni cin ani y a uni moda tl cajo dla mudazion sustanziela dl’ativiteies de autosmaltimënt y de recupereda dl refudam.
(2) Sce l’Agenzia provinziela azertea che la normes tecniches ne ie nia unides respetedes y che la cundizions nunziedes pra l coma 1 ne ie nia unides tenides ite, cumandela la pruibizion de jì inant cun l’ativiteies, ora che sce l nteressà se cruzia de cunformé si ativiteies ala normativa valëivla tl tëmp fissà dal’Agenzia provinziela.
(3) Contra l’autorisazion dl’Agenzia provinziela vëniel lascià pro de fé recurs tl tëmp de 30 dis dala nutificazion dl pruvedimënt ala cumiscion VFA 20) nunzieda tl articul 12 dla lege provinziela dl 24 lugio 1998, nr. 7, y mudazions suzessives.