(1) Ales studëntes y ai studënć preodüs dal articul 2, coma 1, lëtra c) ti pol gnì conzedü na retüda pausciala dles spëises de iade sc’ai se tëgn sö por rajuns de stüde te na manira permanënta tl post de stüde o tles vijinanzes. Chësta retüda, che corespogn al cost de na cherta por tó la ferata de secunda tlassa, po gnì conzedüda tl tëmp de n ann academich por cater iadi da jì y gnì.
(2) La Junta provinziala fej fora la soma minima che po gnì rembursada.