(1) L tëmp de cunverscion scumëncia l plu abenëura n la data canche l eco-mprenditëur à nutificà si atività aldò dl articul 5, coma 1 de chësta lege y sometù si azienda al sistem de cuntrol aldò dl articul 9 dl regulamënt.
(2) L plann de cunverscion sibe de n’azienda agricula biologica mescededa sibe de n’azienda tla cunverscion biologica ie sometù al’apurvazion da pert dl organn de cuntrol aldò dl articul 8 y ne daussa a uni moda nia udëi danora n tëmp plu lonch de cin ani per l adatamënt de duta la unità aziendela ala metoda de produzion biologica.
(3) Tl plann de cunverscion dl’azienda agricula biologica mescededa muessa la lueges de nmaganisamënt y de tramudeda di prudoc che vën dal’agricultura biologica vester spartides da chëles adurvedes per la laurazion di prudoc cun metoda cunvenziunela.
