(1) I cuntroi udui danora dal articul 9 dl regulamënt, te aziendes menedes dai eco-mprenditëures scric ite tl register vën dejëuc dai organns de cuntrol privac autorisei dala Jonta provinziela; tla delibra curespundënta ti vëniel assenià a chisc organns de cuntrol privac n codesc de cuntrol. La Jonta provinziela fissa la modiliteies per dé ju la dumanda d’autorisazion. L pruvedimënt aldò muessa unì publicà sun l Buletin Ufiziel dla Region Trentin-Südtirol.
(2) I organns de cuntrol recunesciui a livel naziunel ie automaticamënter ratei autorisei ai fins dl eserzize de si atività tla provinzia de Bulsan. Dan l scumenciamënt dl’atività sun l teritore provinziel muessa chisc organns sambën ti comuniché ala Repartizion si sënta, y nce si segonda sënta, y adurvé, tl eserzize de si ativiteies, i modiei prestampei metui a despusizion dala Repartizion nstëssa.
